Спорт
Харден ги среди Клиперси
Бруклин нетс со победа над ЛА Клиперс ја заокружи успешната турнеја по Западната конференција. Нетс, без Кевин Дурент, славеше над Клиперси со 112:108. На оваа турнеја Бруклин нетс славеше над Голден стејт, Сакраменто, Лејкерс, Финикс и Клиперс.
Џејмс Харден ги предводеше Нетси до победата со 37 поени, 11 скокови и седум асистенции. „Брадата“ ги постигна последните два поена на мечот, од линијата за слободни фрлања.
Никола Вучевиќ продолжи со импресивните партии од почетокот на сезоната. Црногорецот го предводеше Орландо до победата над Детроит 105:96. Вучевиќ натпреарот го заврши со 37 поени и 11 скока. Центарот на Орландо седми пат сезоната постигна повеќе од 30 поени на еден натпревар.
Денвер Нагетс паднаа во Атланта 115:123. Атланта ја забележа втората победа на последните десет натпревари, додека Денвер на последните седум гостински мечеви, имаат шест порази.
Тре Јанг и Клинт Капела се истакнаа во редовите на Атланта. Јанг постигна 35, а Капела 22 поени. На спортивната страна Џамал Мареј уфрли 30 поени, а Никола Јокиќ одигра под своите стандардни забележа „само“ 15 поени, 10 скока и шест асистенции.
Резултати:
Њу Орлеанс-Бостон 120:115
Кливленд-Оклахома 101:117
Торонто-Филаделфија 110:103
Њујорк-Минесота 103:99
Милвоки-Сакраменто 128:115
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.