Спорт
Бекенбауер куртули во истрагата за корупција, предметот е застарен
Етичкиот суд на ФИФА ја затвори истрагата за корупција против германската фудбалска легенда Франц Бекенбауер откако предметот застари, потврдија од светската куќа на фудбалот.
Бекенбауер како лидер на успешната кандидатура на Германија за СП во 2006 година уште во 2016 година беше обвинет дека му исплатиле 10 милиони швајцарски франци на Мохамед бин Хамам од Катар за гласови за изборот. Покрај Бекенбауер, ослободени од обвиненијата се и Тео Цванцигер и Хорст Шмит.
Швајцарските федерални обвинители исто така го истражуваа случајот, но судењето колабира минатиот април исто така поради застарување на делото. Бекенбауер не беше обвинет таму поради здравствени причини.
75-годишниот Бекенбауер стана првиот фудбалер што како капитен и селектор освои титула од Светското првенство предводејќи ја Западна Германија до титулата во 1974, пред во 1990 да ја освои титулата како селектор на обединета Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ред Бул и Адријан Њуи спогодбено се разделија
Адријан Њуи, најдобриот дизајнер во модерната ера на Формула 1, го раскина договорот со Ред Бул. Дека двете страни работата на спгодбен раскин на договорот се шепекулираше изминатите денови. Њуи бил решен да го напушти Ред Бул, а ниту Ред Бул не се обиделе да го задржат Њуи.
Ред Бул денеска потврди дека човекот чии креации освоија шест титули во Светскиот шампионат за конструктори и седум во конкуренција на 19. години поминати во лабораториите на Милтон Кејнс, ќе го напушти тимот на крајот на сезоната.
Тимот наведе дека „потребата да бара нов предизвик во кариерата“, го натерала Њуи да си замине, иако долго време се зборува за несогласување меѓу првиот човек на австрискиот тим Кристијан Хорнер според многу мислења најдобриот жив дизајнер на Формула 1 болиди.
„Сакаме да му се заблагодариме на Адријан за сите подвизи во времето кое го поминавме заедно. Тој одигра клучна улога во постигнувањето на неверојатни седум титули кај возачите и шест меѓу конструкторите со вкупно 118 победи, заедно со 101 пол-позиција, вклучувајќи ја и победата на Торо Росо од пол-позицијата во 2007 година“, стои во соопштението кое го обајви Ред Бул.
Допрва ќе се види каква ќе биде иднината на Њуи. Сигурно е дека тој нема да престане да работи. Според медиумите тој може да заврши во еден од овие три тема: Ферари, Мерцедес, Астон Мартин.
Наводно, 65-годишниот Англичанец веќе добиле понуда од Ферари, тим кој се засилува на сите нивоа.
Ако го доведат и Њуи по Луис Хамилтон од Мерцедес, Ферари ќе го добие најтрофејниот возач на сите времиња и најуспешниот шеф за технолошки развој на болидите во Формула 1 од редовите на двата најголеми ривали.
Спорт
Калинић неће више играти за Србију
Кошаркарот на Барселона, Никола Калиниќ, по победата на Барселона над Олимпијакос (82:80), во Атина, за Спортал изјави дека повеќе нема да играза репрезентацијата на Србија.
„Мислам дека завршив. Не сум таму ни со главата ни со телото, мислам дека не можам повеќе да се борам со тоа како што е потребно. Време е некои од помладите момци да играат и да се докажат. Особено по тој успех минатата сезона. Мислам дека овде се е јасно“, изјави Калиниќ.
Калиниќ за Србија дебитираше во 2013 година, со репрезентацијата освои сребрени медали на Олимписките игри и на Светското првенство.
Спорт
Штербик имал срцев удар
Еден од најдобрите ракометни голамни во историјата, поранешниот член на Вардар, Арпад Штребик доживеал срцев удар.
Веспрем ги потврди пишувањата на медиумите, но и ја информираше јавноста дека Штербик се чувствува добро и дека најверојатно ќе биде пуштен од болница во четврток наутро. Брзата реакција на лекарите спречила трагичен исход.
Штербик кариерата ја започна во Југовиќ од Каќ, по што двапати беше во Веспрем, додека во меѓувреме бранеше за Сиудад Реал, Атлетико Мадрид, Барселона и Вардар. Во Вардар беше од 2014 до 2018 година и стана европски првак.
Кариерата ја заврши во Веспрем во 2020 година.