Спорт
Бил и Вестбрук го решија Денвер, Бруклин ја продолжија победничката серија

Шест натпревари се одиграа изминатата ноќ во НБА лигата. Вашинготн славеа над Денвер, Јанис Адетокумбо ги предводеше Милвоки до победата над Њу Орлеанс, во чии редови блескаше Зајон Вилијамсон, Бруклин Нетс ја запишаа осмата победа по ред,а во дербито Филаделфија го победи Далас.
Вашингтон во драматичен меч победија во Денвер со 112:110 и ја забележаа седмата победа на последните осум натпревари. Деневер имаа два напади во последните секунди, но не успеаја да постигнат тројка за победа.
Бредли Бил со 33 поени го предводеше Вашингтон, Јапонецот Риу Хачимира забележа 20 поени, а Расел Вестбрук имаше трипл-дабл од 16 поени, 10 скока и 10 асистенции.
На спротивната страна Џамал Мареј беше најефикасен со 34 поени, а Никола Јокиќ забележа 24 поени, 11 скокови и седум асистенции.
Филалделфија беа убедливи против Далас Маверикс 111:97. Лидерот на Истокот го предводеше Џоел Ембид со 23 поени, девет скока и четири асистенции. Лука Дончиќ на спротивната страна реализираше 19 поени, три скока и четири асистенции.
Бруклин Нетс ја продолжија серијата победи. Осмата во таа серија ја забележаа против Орландо Меџик (129:92). Кајри Ирвинг со 27 и Џејмс Харедн со 20 беа најпрецизни кај Нетс, во чии редови се уште го нема Кевин Дурент. Кај Орландо се истакна Никола Вучевиќ со 28 поени и 12 скока.
Милвоки Бакс, во најефикасниот натпревар славеа над Њу Орлеанс со 129:125. Бакс ја запишаа четвртата победа во низа и сега имаат скор од 20 победи и 13 порази. Адетокумбо мечот го заврши со 38 поени и 10 скока, Крис Мидлтон постигна 31 поен. Најдобри кај Њу Орлеанс беа Вилијамсон со 34 поени и Брендон Инграм со 23.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ: Бев на вечера со Рафа, но не сме пријатели

Во интервју за „Кориере дела Сера“, Новак Ѓоковиќ уште еднаш раскажа каков однос имал со своите најголеми ривали, Рафаел Надал и Роџер Федерер.
„Никогаш не бевме пријатели. Рафа е само една година постар, двајцата сме близнаци во хороскоп, двапати бевме на вечера заедно, но пријателството со него е невозможно. Секогаш имав многу почит и восхит кон него. Невозможно е пријателство меѓу ривали, но никогаш не сме биле непријатели. Благодарение на него и Федерер станав ваков.
Ѓоковиќ вели дека нивното големо соперништво е незаборавно.
„Тоа ќе нè обедини засекогаш. Надал е дел од мојот живот во последните 15 години. Го гледав повеќе од мајка ми“.
Потоа откри и што најмногу почитува кај Шпанецот:
„Има многу работи што ме инспирираат во неговата кариера. Пред сè, упорност, посветеност, борбен дух. Неговиот менталитет на шампион кој никогаш не се откажува и секогаш, колку и да е тешко, наоѓа начин да победи, начин да се врати. Тој негов менталитет е навистина многу инспиративен“.
Слична е ситуацијата и со Федерер.
„Секогаш чувствував голема почит кон него, тој е еден од најголемите на сите времиња. Имаше неверојатно влијание, но никогаш не бевме блиски“.
Спорт
Уште една репрезентација се квалификуваше за Светското првенство

Фудбалската репрезентација на Гана ќе игра на петтото од последните шест Светски првенства.
Избраниците на тренерот Ота Адо ги победија Коморските острови со 1:0 со што го обезбедија првото место во Група И. Гана во пресрет на последното коло има шест бода повеќе од Мадагаскар.
Стрелец на победничкиот гол за „Црните ѕвезди“ на натпреварот одигран во Акра беше Мохамед Кудус од Тотенхем на почетокот на второто полувреме.
Гана со тоа стана петтата африканска репрезентација што се квалификуваше за следното Светско првенство, по Мароко, Тунис, Алжир и Египет.
Гана го постигна својот најголем успех на Светското првенство во Јужна Африка кога играше во четвртфиналето.
Ганците го имаа своето деби на Светското првенство во 2006 година и оттогаш оваа селекција го пропушти само завршниот турнир организиран од Русија во 2018 година.
Пред Гана пласман на Светското првенство покрај организаторите САД, Мексико и Канада обезбедија : Јапонија, Нов Зеланд, Иран, Аргентина, Узбекистан, Јужна Кореја, Јордан, Австралија, Бразил, Еквадор, Уругвај, Колумбија, Парагвај, Мароко, Тунис, Египет, Алжир.
Спорт
Вирц е талент што се раѓа еднаш во еден век

Поранешниот менаџер на Ливерпул, Јирген Клоп, испрати порака до навивачите на „Црвените“ и застана во одбрана на 22-годишниот Флоријан Вирц, по лошиот почеток на сезоната на германскиот играч од средниот ред на „Енфилд“.
Вирц, кој пристигна ова лето од Баер Леверкузен за 116 милиони фунти (133 милиони евра), сè уште чека на својот прв гол или асистенција во Премиер лигата и Лигата на шампионите.
Ливерпул го сруши британскиот рекорд за трансфери во летниот преоден рок за да го доведе Вирц, кој брилијантно играше во Баер Леверкузен во текот на пет и пол години во Бундеслигата.
Затоа очекувањата од германскиот репрезентативец беа исклучително високи. Сепак, 22-годишникот досега не ги исполни, што предизвика критики од јавноста во Англија.
Притисокот го зголемува и лошата форма на клубот, кој доживеа три порази по ред, што покрена прашања за способностите на Вирц.
И покрај критиките, легендарниот Клоп решително застана зад младиот играч. Во разговор за „Sport.de“, тој им порача на навивачите да бидат трпеливи.
„Неговиот квалитет е извонреден. Дискусиите се малку претерани. Ливерпул загуби три натпревари по ред, што е невообичаено. Но, тоа е и нормално во животот. Вирц е талент што се појавува еднаш во еден век и во еден момент ќе го покаже тоа повторно на секој натпревар, исто како што го правеше во Леверкузен“, рече Клоп.