Спорт
Милан со пенал во 97. минута спаси поен против Удинезе, без победник во „Дерби дела лантерна“

Милан го избегна својот трет пораз во последните четири мечеви во Серија А, откако на „Сан Сиро“, со гол од пенал во 97. минута не дозволи Илија Несторовски и Удинезе да стигнат до победа, извлекувајќи 1:1 реми.
Бразилецот Родриго Бекао, кој во 68. минута стрелаше по асистенција на одличниот Родриго де Паул. Илија Несторовски, откако минатиот меч го реши победникот во дуелот со Фиорентина, овојпат одигра 90 минути. Кога се мислеше дека мечот е загубен за „росонерите“, Ларсен играше со рака во шестнаесетникот, а Френк Кеси беше сигурен од белата точка. Милан сега е на три поени зад лидерот Интер, но со натпревар повеќе.
Аталанта сега се израмни со Јувентус на четвртото место на табелата, по убедливата 5:1 победа над Кротоне. По израмнетото прво полувреме, „Ла деа“ постигна четири гола во второто за доминантна победа.
На „Луиџи Ферарис“ пак се играше „Дерби дела лантерна“, дербито на Џенова, во кое Џенова и Сампдорија одиграа 1:1. Давиде Запакоста ги донесе Џенова во водство во 52. минута, пред Лоренцо Тонели да израмни во 77. минута. Горан Пандев влезе како замена за „Грифоне“ во 73. минута од мечот.
СЕРИЈА А, 25. КОЛО
Милан – Удинезе 1:1
Џенова – Сампдорија 1:1
Фиорентина – Рома 1:2
Аталанта – Кротоне 5:1
Беневенто – Верона 0:3
Каљари – Болоња 1:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Севилја има нов тренер

Аргентинскиот тренер Матијас Алмеида е новиот шеф на стручниот штаб на фудбалскиот клуб Севилја.
Клубот од Андалузија минува низ турбелентен период. Смени седум тренери за три години, а тоа се одрази и на резултатите, бидејќи во тие три сезони, Севиља не беше пласирана подобро од 12-то место, а минатата сезона на две кола пред крајот обезбеди опстанок.
Затоа, не е ни чудо што клубот се одлучи за нов тренер, за Аргентинецот Матијас Алмеида. Еден од најдобрите задни играчи за врска во еден период, кој во богата кариера играше за шампионите Лацио, Парма, Интер, а европската кариера ја започна во Севилја.
Ученикот на Даниел Пасарела ја започна својата тренерска кариера каде што ја започна и заврши својата кариера како игра, во Ривер Плата.
Во меѓувреме, тој ги водеше Банфилд, Гвадалахара, Сан Хозе, а последните три години беше на клупата на АЕК, со кој ја освои двојната круна веќе во првата сезона
Спорт
Пад на гледаноста на натпреварите во Премиер лигата

Две години по ред, Премиер лигата ги рушеше рекордите на гледаност, но тој тренд не продолжи во сезоната која заврши пред еден месец.
Англиските медиуми наведуваат дека главната причина е фактот што немаше неизвесност во борбата за титулата.
Ливерпул го обезбеди првото место во трката со Арсенал прерано, веќе во април. Поранешниот четирикратен шампион по ред Манчестер сити исто така брзо испадна од трката.
Дел од вината оди и кај трите најслаби тимови во лигата: Лестер, Ипсвич и Саутемптон, тие се откажаа прерано, па трката за опстанок беше неинтересна.
Најинтересно беше во борбата за Лигата на шампионите, но не доволно за да се зголеми гледаноста.
Спорт
Тебас: Клупскиот Мундијал е тотален апсурд

Претседателот на Ла Лига, Хавиер Тебас, ги повика челниците на ФИФА да го откажат Светското клупско првенство пред 18 месеци, верувајќи дека „светското фудбалско тело воспостави монопол врз календарот на натпревари со тоа што ги привилегира сопствените натпреварувања“.
Покрај Тебас, многумина се пожалија на густиот распоред, со оглед на тоа што Светското првенство според новиот систем, кое се одржува во Соединетите Американски Држави, започнува 15 дена по завршувањето на Лигата на шампионите и ќе се одржи истовремено со Европското младинско првенство.
Тебас не се предомисли и неколку дена пред почетокот на Светското првенство, го нарече ова натпреварување „тотален апсурд“.
Овој пат тој ја нападна ФИФА, бранејќи двајца претставници од неговата лига, Реал и Атлетико, кои ја претставуваат Шпанија на турнирот со 32 клуба.
„Веќе има контроверзии околу тоа кога Реал и Атлетико ќе го започнат првенството, што го нарушува нашиот вообичаен распоред и е штетно и за нас на среден рок. И одлуката дали овие два клуба ќе го започнат првенството подоцна за да се одморат не е само моја, туку ќе ја донесеме навреме кога ќе видиме како стојат работите“, рече Тебас во интервју за радио „Кадена Копе“.
Според планот и програмата, Ла Лига во сезоната 2025/26 треба да започне на 17 август.
Потоа се пожали на нешто друго:
„Организаторите на турнирот во ниту еден момент не се консултираа со нас, не само за датумите, ништо не не прашаа… Она што го прават е многу штетно за шпанското првенство, ако големи клубови како Реал Мадрид и Атлетико не можат да играат на првиот ден од Ла Лига. Тоа е апсурдно“, заклучи првиот човек на Ла Лига.