Регион
Српското МВР ги предупреди родителите да ги следат децата на социјалните мрежи поради најава за масовно самоубиство
Министерството за внатрешни работи на Србија проверува потенцијално опасна содржина за деца и млади на одредени социјални мрежи и апелира до родителите да ги следат активностите на своите деца на тие мрежи, соопштија од Министерството за внатрешни работи.
Министерството за внатрешни работи наведува дека било информирано за информациите што кружат на една социјална мрежа, а кои се однесуваат на групно самоубиство на млади луѓе и дека тие ја проверуваат валидноста на тие предупредувања на територијата на Србија.
Претходно, Министерството за внатрешни работи на Република Српска ги предупреди родителите да обрнат внимание на содржината што нивните деца ја следат на социјалните мрежи откога полицијата доби известување од Интерпол дека на „Тик-ток“ се споделува содржина со потенцијално опасни последици за младите.
Предупредувањето се однесува, пред сè, на локалната група „Тик-ток“ во Русија, но Министерството за внатрешни работи на Република Српска соопшти дека е потребна максимална претпазливост за да се спречат какви било негативни последици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Момчето убиец пристигна во судот во Белград: се очекува негово сослушување, шокантни сцени пред и во објектот
Малолетниот убиец од белградското основно училиште, кој на 3 мај минатата година уби десет ученици и обезбедувач, првпат по масакрот дојде во Специјалниот суд во Белград пред кој има вооружени полицајци, пишува „Блиц.рс“.
Момчето ќе биде специјален сведок на судењето на своите родители.
Како што јавија репортерите на „Блиц“ од местото на настанот, момчето убиец со возило на брзаѕта помош било донесено на задниот влез на Специјалниот суд. Возилото било придружувано од два полициски џипа што ротирале.
Пред Специјалниот суд има вооружени полицајци со пушки, кои ги обезбедуваат и судот и судењето.
Исто така, има и неколку полициски возила.
„Денеска, се очекува сослушувањето на малолетниот убиец. Тој има право да одбие да сведочи имајќи предвид дека веќе е сослушан. Ова е прва можност семејствата на убиените да поставуваат прашања што ги мачат веќе една година“, им рече адвокатот Огњен Божовиќ на новинарите.
Како што јавуваат новинарите на „Блиц“ од местото на настанот, шокантни се сцените пред и во судот. Секој час пристигнуваат родителите на убиените деца. Во судот влегуваат потиштени, со наведнати глави.
Регион
Ден на жалост во БиХ: бројот на жртвите во поплавите се зголемува, спасувачите и денеска се на терен
Денеска е ден на жалост на целата територија на Босна и Херцеговина поради катастрофалните поплави и одрони што зафатија делови од земјата. Во БиХ сè уште има жртви од поплавите и тој број постојано расте. Спасувачите и денеска се на терен, пренесуваат локални медиуми.
Состојбата со поплави и одрони во погодените подрачја сè уште е исклучително тешка, а операциите за пребарување и чистење на насобраниот насип и материјал продолжија и денеска.
Водата и одроните уништија десетици куќи и оштетија инфраструктура.
Градоначалникот на Јабланица, Дамир Шабановиќ, деновите од неделата до вторникот ги прогласи за денови на жалост по повод трагичната смрт на неколку граѓани во несреќата што го зафати подрачјето на Јабланица.
Регион
По трагедијата во „Рибникар“: момчето убиец првпат во суд и по подолго време пред родителите, местото преполно со полиција
Момчето убиец од Основното училиште „Владислав Рибникар“ утрово е донесено од болницата, каде што е сместено во зградата на Специјалниот суд, каде што денеска треба да биде сослушано во кривичната постапка против неговите родители.
Момчето убиец со возило на брзата помош било донесено на задниот влез на Специјалниот суд. Возилото било придружувано од два полициски џипа со ротации, пренесуваат тамошните медиуми.
Според написите, пред Специјалниот суд има вооружени полицајци со пушки, кои ги обезбедуваат и судот и судењето. Има и неколку полициски возила.
Српските медиуми потсетуваат дека момчето убиец, кое го изврши масакрот во ОУ „Владислав Рибникар“ на 3 мај минатата година, првпат ќе се сретне лице в лице со семејствата на неговите жртви, како и со неговите родители, откога уби невини деца и училиштен чувар, а од поведувањето на обвинението му беше забрането да комуницира.