Спорт
Пандев дел од елитата што ќе настапи на Евро 2020

Европското првенство во фудбал ќе се одржи ова лето. Дел од најголемата континентална смотра ќе биде и Македонија. Предводена од Горан Пандев, Македонија ја победи Грузија во баражот и се избори за својот прв настап на големите натпреварувања.
Македонската фудбалска легенда Горан Пандев е еден од оние играчи што ќе ќе играат на Евро 2020, а за националниот тим одиграл повеќе од 100 натпревари.
Во досегашната кариера Пандев одиграл 114 натпревари за Македонија.
„Толку долго е прва ѕвезда на својата земја. Се чини дека кариерата на Пандев достигнува крешендо од бајките, а на 37-годишна возраст се подготвува за својот прв голем турнир“, пишува на страницата на УЕФА во текстот во кој Европската куќа на фудбалот ги претстави фудбалерите што одиграле најмалку 100 натпревари за своите селекции, а ќе бидат учесници на ЕП.
Лидер на таа листа со 178 настапи е шпанскиот капитен Серхио Рамос, втор е Кристијано Роналдо со 170 настапи, трет Лука Модриќ со 133.
Во топ-10 се Жоао Мутињо (129), Марек Хамшик (126), Себастијан Ларсон (125), Јан Вертонген (123), Серхио Бускетс (120), Иго Љорис (120) и Роберт Левендовски (116).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Минесота и Хјустон не му дозволија на Њујорк да преговра со нивните тренери

Њујорк Никс побараа дозвола од Минесота и Хјустон да разговараат со нивните тренери Крис Финч и Име Удока. Тимбервулвс и Рокетс го одбија барањето.
Меѓу главните кандидати за замена на неодамна отпуштениот Том Тибодо на клупата на Никс беше тренерот на Далас, Џејсон Кид. Њујорк сè уште не побарал дозвола да разговара со Кид, но познатиот НБА инсајдер Шамс Чаранија синоќа објави дека Маверикс исто така ќе ги одбијат Никс доколку го поднесат барањето.
На 3. јуни, Никс го отпуштија Тибодо, кој оваа сезона ги одведе до финалето на плејофот во Источната конференција за прв пат од 2000 година.
Со тимот на Хјустон, Удока успеа да стигне до резултат од 52победи и 30 порази оваа сезона и второ место на табелата во Западната конференција по регуларниот дел од натпреварувањето. Претходно беше тренер на Бостон, со кого стигна до финалето на плејофот на НБА во 2022 година.
Финч го предводеше тимот на Минесота до финалето на плејофот на Западната конференција оваа и минатата сезона. Тимбервулвс загубија од Оклахома оваа година, додека минатата сезона беа поразени од Далас, предводен од Кид од клупата.
Спорт
Бетис има план како да го врати Антони

Бразилецот Антони, блесна во како позајмен играч во Бетис оваа полусезона, минатата недела се прости со клубот од „Бенито Виљамарин“. Антони се уште е под договор со Манчестер јунајтед, тој се врати на „Олд Трафорд“, но јасно е дека таму нема да биде во новата сезона.
Антони, од јануари па до крајот на сезоната, беше еден од клучните играчи на Бетис, со девет гола и пет асистенции во 25 настапи. Беше еден од најзаслужните за пласманот на клубот во историското европско финале на Конференциската лига и шестото место во Ла Лига.
Иако се збогува со Бетис, се чини дека шпанскиот клуб ќе се обиде да направи сè што може за да го задржи.
Челниците на Бетис ќе му предложат на Јунајтед, договор според кој Антони уште една сезона би настапувал како позајмен играч и со опција потоа да го откупи неговиот договор за 50 милиони евра.
Спорт
Ракитиќ и шест негови соиграчи од Севилја се под истрага во случај на измама

Иван Ракитиќ и уште шест поранешни играчи на Севилја: Алехандро Гомез, Лукас Окампос, Алберто Морено, Нико Пареха, Алберто Морено и Хавиер Савиола, се најдоа во средиштето на случај на измама од повеќе милиони долари, пишува шпанскиот „Периодико“.
Ракитиќ (37) ќе го заврши договорот со Хајдук на крајот од месецот, но сè уште не одлучил дали ќе ја продолжи кариерата и каде. Споменатиот извор наведува дека Ракитиќ „е вклучен во истрагата за наводната измама од повеќе милиони долари на илјадници инвеститори во криптовалути и нефинансирани токени (NFT)“.
„Периодико“ додава: „Она што изгледаше како профитабилен бизнис за компанијата „Ширтум“, се покажа како измама во која беа вклучени бројни луѓе. Измамата е тешка повеќе од од три милиони евра, а ја истражува суд во Барселона. Тројца каталонски бизнисмени, Манел Анхел Торас, неговиот син Марк Алберт Торас и Мануел Морилас, и аргентинскиот државјанин Давид Розенцвајг се обвинети за 11 кривични дела.
Тие вклучуваат проневера, измама и даночно затајување. Фудбалерите, од друга страна, се именувани од 12 жртви на измама во тужбата како лица за кои сакаат да бидат испитани и осомничени „дека се соучесници во делата на измама и помагање во делата на лажно рекламирање.“
Поранешните ѕвезди на шпанските гиганти се наведени во приватна тужба како помагачи и поттикнувачи на измама водена од компанија која продавала криптовалути и нефинансирани токени (NFT) по нивен лик. Вредноста на NFT-ите и криптовалутите изнесувала вкупно три милиони евра.
Според обвинителите, фудбалерите имале „активна улога во продажбата на токени“. Ова особено се однесува на Гомез, кој тесно соработувал со гореспоменатите бизнисмени. Тие создале апликација за продажба на NFT фудбалери и требало да ги пласираат на пазарот по цена од 350 евра по парче.
Надворешните спонзори, луѓето кои сега ги тужат, инвестирале во бизнисот, но „Ширтум“ ја затворил апликацијата пред да биде објавена. Ниту „блокчејн“ криптовалутата, ниту NFT-ите немале никаква вредност во ниту еден момент. Со исклучок на Гомез, останатите фудбалери не биле задолжени за стратегијата или тактиките на продажната операција. Тие биле само само лица на проектот.