Црна хроника
Претреси кај две лица во Кавадарци, пронајдена дрога
Приведени се двајца жители на Кавадарци кога при претрес на лицата и во нивните домови полицијата пронашла дрога.
„На 3.3.2021, во 15.30 часот, во Кавадарци, полициски службеници од СВР Велес извршиле преглед над Д. Б. (21) од Кавадарци, при што кај него биле пронајдени амфетамин и марихуана. Потоа, во периодот од 15.45 до 16.45 часот, врз основ ана судска наредба, бил извршен и претрес во домот на Д. Б., при што биле пронајдени и одземени повеќе пакувања со марихуана, таблети, кеса со прашеста материја, дигитална вага, поголема количина зипер-кеси за пакување и денари во разни апоени.
Истиот ден, во периодот од 15.15 до 16 часот, врз основа на судска наредба, бил извршен претрес и во домот на В. П. (30) од Кавадарци, при што биле пронајдени и одземени марихуана, бела грутчеста материја, кафеава грутчеста материја, повеќе таблети…
Поради сомнение за сторено кривично дело по член 215 од Кривичниот законик, Д. Б. и В. П. биле лишени од слобода и приведени во полициска станица. По целосно расчистување и документирање на случајот, против нив ќе биде поднесена соодветна пријава“, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Повторно насилство во „Идризово“: затвореник со тешки повреди заврши во болница
Нов случај на насилство помеѓу затвореници е забележан вчера во Казнено-поправната установа Затвор Идризово.
Од полицијата велат дека се работи за физичка пресметка меѓу две групи на затвореници, а едно лице е тешко повредено.
„Осуденикот Х.Ф.(29) од Студеничани, Скопско, се здобил со тешки телесни повреди, констатирани во Градската општа болница ‘8 Септември’ во Скопје“, велат од МВР, додавајќи дека се преземаат мерки за расчистување на случајот.
Насилство во затворот имаше и пред два дена, кога осуденикот Ѓ.М.(43) од Скопје бил физички нападнат од осуденикот К.Ф.(40) од Гостивар.
Црна хроника
Син го нападнал својот татко во Карпош
Педесет и петгодишен маж бил нападнат од својот син во домот на подрачјето на Карпош.
Случајот бил пријавен во МВР во текот на вчерашниот ден.
Се преземаат мерки за негово расчистување.
Црна хроника
Maж најден починат во напуштен објект во центарот на Скопје
Во напуштен објект на подрачјето на Центар во Скопје било пронајдено починато машко лице, објави МВР.
Од страна на лекар од Итната медицинска помош била констатирана смрт и извршен е увид.
Засега нема информации за идентитетот на мажот, ниту дали смртта е насилна. Телото на починатиот е дадено на обдукција.