Европа
Белгија ја продолжи забраната за патување и покрај критиките од ЕУ
Европската комисија вели дека се изненадени од одлуката на белгиските власти да ја продолжат забраната за сите неважни патувања во и надвор од границите на земјата.
Пред две недели Комисијата испрати писмо до Белгија во кое бара објаснување за строгите ограничувачки мерки воведени на границите на земјата на почетокот на февруари, a со цел да се спречи ширењето на новите видови на коронавирус за време на училишните и карневалските празници во Западна Европа.
И покрај критиките на Европската комисија, белгиските национални власти одлучија мерката за затворање на границите, која требаше да трае до 1 април, да ја продолжат и за велигденските празници, до 18 април.
Од седиштето на ЕК велат дека ќе ги истражат сите опции што се наоѓаат на маса за да се обезбеди функционирање на внатрешниот пазар и да им се гарантира правото на слободно движење на граѓаните.
Во исто време, белгиските национални власти нагласуваат дека на Европската комисија ѝ го објасниле постоењето на такви мерки како уреден и важен елемент на целокупните мерки за борба против ширењето на вирусот.
Се додава дека на 26 март, забраната за сите неесенцијални патувања повторно ќе биде разгледана од ненационалниот Советодавен одбор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.