Стотици пожарникари се бореа со пожарот што ги принуди жителите на Оукленд, Калифорнија да се евакуираат.

Пожарот, кој се прошири на површина од околу пет хектари, избувна вчера поради екстремно суви и ветровити услови, пренесе ABC News.

Според шефот на пожарникарите на градот, Дејмон Ковингтон, најмалку две згради биле оштетени, но ниту една не била целосно уништена.

„Го спречивме ширењето на пожарот. Имаме уште многу работа, но сме во многу подобра ситуација отколку пред два часа“, рече Ковингтон на прес-конференција.

Во еден момент, повеќе од 200 домаќинства добија наредба да се евакуираат.

Пожарот избувнал околу 13 часот и 30 минути по локално време во областа на планината Келер и брзо почнал да се шири поради силниот ветер.

Причината за пожарот се уште не е позната.

Ние ја поддржуваме Украина колку што можеме силно и во исто време се грижиме НАТО да не стане страна во војната, за оваа војна да не се претвори во уште поголема катастрофа, изјави денеска германскиот канцелар Олаф Шолц за новинари пред разговорите зад затворени врати во Берлин по средбата со американскиот претседател Џо Бајден.

Ќе стоиме рамо до рамо со Украина колку што е потребно“, рече тој, пренесе Дојче веле.

Според него, Путин погрешно пресметал.

„Заедно сме посветени на силен НАТО кој го брани секој квадратен сантиметар од територијата на алијансата. Секој член на нашата алијанса може да се потпре на него“, рече Шолц.

Тој рече дека руската инвазија на Украина го разниша европскиот безбедносен поредок до нејзините темели. Шолц додаде дека Германија е посветена на суверенитетот и интегритетот на Украина и дека ќе стои до Киев се додека е потребно.

„Благодарение на вашето раководство, плановите на Путин пропаднаа“, му рече Шолц на Бајден.

Американскиот претседател ги повика сојузниците на Украина да останат решителни и да го поддржат Киев, кој влегува во тешка зима, објави Ројтерс.

Русија можеби е гласна, но НАТО е силен, изјави новиот генерален секретар на НАТО, Марк Руте, по претседавањето со својот прв состанок на министрите за одбрана на алијансата во Брисел.

Тој ја критикуваше, како што рече, „сè понеодговорната реторика на рускиот претседател Владимир Путин“ и додаде дека членките на НАТО работат напорно за да обезбедат поддршка за Украина во текот на претстојната зима.

Руте, исто така, објави дека главниот фокус на министерскиот состанок на НАТО било добивање масовна воена помош за Киев, пренесува Ројтерс.

Во своето обраќање пред новинарите, тој зборуваше и за Молдавија и изјави дека Русија сака да го попречи европскиот пат на земјата.

Жителите на Молдавија в недела ќе излезат на гласање, каде ќе гласаат за претседателските избори и референдумот за ЕУ, што, според Ројтерс, е клучен момент во борбата меѓу Русија и Западот за иднината на оваа југоисточна европска земја.

Во денешната презентација Руте ги пофали романските власти и врховниот командант на НАТО за Европа, Кристофер Каволи за нивниот брз и ефективен одговор кога вчера неидентификуван објект навлезе во воздушниот простор на Романија.

– Ќе продолжиме да го зајакнуваме надзорот, да разменуваме информации и да ги координираме индивидуалните и колективните одговори – рече Руте, додавајќи дека алијансата ја поддржува Романија во решавањето на сите безбедносни предизвици.