Македонија
На инфективните одделенија во земјава се лекуваат 587 пациенти
Во изминатите 24 часа во ковид центрите во болниците низ земјава е пријавено дека се лекуваат вкупно 587 пациенти позитивни и суспектни на корона вирусот.
Од министерството за здравство информираат дека, во болницата во Битола се хоспитализирани 56 пациенти позитивни и суспектни на Ковид-19.
Во болницата во Штип се хоспитализирани 38 пациенти. На инфективното одделение во Тетово има 23 пациенти, во Велес се лекуваат 42 болни, а во Куманово 92 пациенти позитивни и суспектни на Ковид-19.
Во ковид центарот во Охрид има хоспитализирано 55 пациенти, во Прилеп 93, во ковид центарот во Гостивар 31, а во Струга 18 болни.
Во болницата во Струмица хоспитализирани се 37 пациенти, во Кочани 5 во Кичево 6, Кавадарци 68, во Гевгелија 10 лица, а во Дебар 13 позитивни и суспектни на коронавирусот.
Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1015 и има околу 350 празни болнички кревети во ковид центрите, известуваат од министерството за здравство.
Од таму додаваат дека сите одделенија на клиничките болници располагаат со болнички места до кои има довод на кислород.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митески: Голема победа во Аеродром со 18 000 гласа
Кандидатот за градоначалник од Аеродром, Дејан Митески упати благодарност за можноста да ја води општината во наредните четири години.
Тој вели дека ќе ја оправда довербата што му е дадена.
„Уште утре почнуваме со работа да го направиме Аеродром место на кое сите ќе се гордееме!“, кажа Митески.
Македонија
Владко Грозданов нов градоначалник на Кочани
Кандидатот на ВМРО-ДПМНЕ и Коалицијата Твоја Македонија за градоначалник на Општина Кочани, Владко Грозданов, прогласи победа на изборите.
„Драги мои сограѓани,
чест ми е да ви се обратам исполнет со посебно чувство на одговорност и искрена благодарност.
Благодарност за вашата доверба, која ми ја дадовте со вашиот глас и којашто за мене не е само победа, туку драга народна задача.
Како што ветив, ќе работиме со чист образ од првиот до последниот ден.
Ви благодарам што верувавте во мене и во нашата заедничка визија.
Време е за неуморна работа за да сплотени го оствариме заслужениот сјај и развој на Кочани.
Со почит и посветеност,
Д-р Владко Грозданов,
ваш Градоначалник на Општина Кочани“, објави тој на „Фејсбук“.
Македонија
(Видео) Александар Јовановски прогласи победа во Кичево
Кандидатот на ВМРО ДПМНЕ за градоначалник на Кичево, Александар Јовановски, прогласи победа.
Противкандидат му беше досегашниот градоначалник Фатмир Дехари, кандидат на Националната алијанса за интеграција, НАИ.
По видеото објавено на „Фејсбук“ во Кичево се собрани голем број поддржувачи на Јовановски кои ја слават неговата победа по улиците.

