Свет
Фаучи е оптимист: Можно е животот во САД да се врати во нормала до 4 јули
Главниот американски епидемиолог и советник на претседателот Џо Бајден, Ентони Фаучи, рече дека е оптимист кога станува збор за можноста земјата да може да се врати во некаква нормалност до прославата на Денот на независноста на 4 јули.
„Мислам дека проекцијата за четврти јули е прилично разумна“, рече Фаучи за „Фокс њуз“.
Тој сепак предупреди дека во меѓувреме сè уште е потребно да се преземат мерки на претпазливост со цел да се спречи нов бран на епидемијата.
Фаучи додаде дека верува оти САД ќе имаат доволно вакцини до крајот на мај, така што секој граѓанин што сака ќе може да се вакцинира.
Гувернерите на некои американски сојузни држави одобрија компаниите да работат во редовни околности и им препорачаа на граѓаните повеќе да не носат маски за лице.
„Апсолутно не е време да се прогласи победа. Секогаш постои ризик од разгорување на пандемијата“, предупреди Фаучи.
Според него, олеснувањето на мерките за носење маски и физичко дистанцирање е ризично и потенцијално опасно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.