Спорт
Ван Бастен: Наполи на Марадона ни ја „украде“ италијанската титула во 1990 година
Легендата на Милан и на холандскиот фудбал, Марко ван Бастен тврди дека Наполи титулата во 1989/90 во Италија ја освоија „во канцелариите“, посочувајќи дека имало заговор да се помогне тимот на Диего Марадона да ја освои титулата.
Во интервју за шпанскиот весник „Диарио АС“, Ван Бастен објаснува како на Милан му била „украдена“ титулата.
„Направија се што можат да им ја дадат на Наполи. Новите правила таа година дозволуваа шампионите од минатата година и освојувачите на националната титула да учествуваат во Лигата на шампионите. Ние веќе бевме европски шампиони и тие направија се што можеа да не освоиме титула и да пратат уште два италијански тима во Европа“, тврди Ван Бастен.
Ривалството на Неапол со клубовите од северна Италија е огромно и овие коментари дефинитивно ќе предизвикаат многу реакции и контроверзи на „чизмата“. Трикратниот освојувач на „Златната топка“ помина осум години во Милан и постигна 125 гола освојувајќи четири титули од Серија А, но сезоната 1989/90 уште го „боли“.
„Скандалите со судењето против Милан, Интер и Верона беа неверојатни и секогаш имаше ‘услуги’ кон Наполи. Мечот кој им беше доделен во Бергамо против Аталанта за глумењето на Алемао беше нешто најапсурдно. Наполи ја освоија титулата во канцеларија“, објаснува Холанѓанецот.
Пред тој меч во април 1990 година, Милан имаа еден поен предност пред Наполи и двата тима одиграа 0:0 во своите мечеви (Милан против Болоња). На 15 минути пред крајот во Бергамо, фудбалерот од средниот ред на Наполи, Алемао го удрија со паричка од трибините и тој наводно не можеше да продолжи. Според правилата во Италија, ако некој фудбалер си замине од теренот поради насилен акт на фановите, тимот добива 2:0 службена победа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.