Не се пронајдени траги од насилна смрт на телото она обвинителот Алберто Нисман кој во понеделникот беше пронајден мртов во својот стан во елитната четврт на аргентинската престолнина Буенос Аирес неколку часа пред да го образложи пред пратениците во Конгресот барањето за покренување истрага против претседателката Кристина Кишнер за попречување на истрагата за терористичкиот напад врз еврејски културен центар во 1994 година во кој загинаа 85 луѓе, покажуваат првичните резултати од обдукцијата објавени во јавноста.

Истрагата, сепак, сé уште не извлекува заклучоци, очекувајќи ги резултатите од експертизата, меѓу другото и за присуство на барутни честички на рацете на обвинителот Алберто Нисман. Тој беше пронајден со прострелна рана во главата во бањата во неговиот апартман во елитната населба Пуерто Мадера во Буенос Аирес. Покрај неговото тело во бањата којашто била заклучена од внатрешната страна беше пронајден пиштол со калибар 22 мм и чаура. Како што подоцна беше објавено, оружјето по негово барање му било дадено од негов колега поради самоодбрана. Неодамна, во последното интервју, Нисман изјави дека работејќи на споменатиот случај во прашање е доведен неговиот живот.

Претходно беше објавено дека архивите на аргентинските безбедносни служби по смртта на обвинителот ќе бидат отворени. Одлуката е донесена по наредба на претседателската Кристина Фернандез де Киршнер.

Со оглед на сериозноста на обвинувањата, обвинителот Нисман требаше во понеделникот претпладне да се сретне со група пратеници а подоцна во текот на денот пред Конгресот да ги презентира доказите што ги собрал. Неговите сомневања се засновале на снимки од телефонски разговори, од коишто наводно произлегува дека владата преку официјални канали водело преговори за поволности за Аргентина при постигнување на ткн договор за „жито во замена за нафта“.

Обвинителот тврдеше дека еден од условите од овој договор било прекинување на истрагата за евентуална одговорност на петмина Иранци барани во Аргентина во врска со терористичкиот напад од 1994 година. За докажување на своите тврдења, Нисман планираше пред суд за сведочење да ги повика и претседателката Киршнер и министерот за надворешни работи Ектор Тимерман.

Во јануари 2013 година, Аргентина и Иран потпишаа меморандум за разбирање за соработка во истрагата во врска со терористичкиот напад во 1994 година, две години по нападот врз израелската амбасада во Буенос Аирес, во подметнувањето на експлозијата со којашто беше уништена зградата на еврејската организација AMIA при што се убиени 85 луѓе, а 200 беа повредени во центарот на аргентинскиот главен град.

Овој договор предизвика остри реакции од опозицијата и од еврејската заедница во Аргентина. Тие сметаат дека договорот може да ја анулира легитимноста на дејствијата на аргентинското правосудство и да доведе до поништување на меѓународните барања за апсење на петтемина Иранци, меѓу кои и поранешниот министер за одбрана организацијата на најголемиот терористички напад во историјата на земјата повеќе високорангирани ирански функционери, вклучително и поранешниот претседател Хашеми Рафсанџани и седум поранешни владини функционери, меѓу кои и министерот за одбрана . Иранските власти секогаш жестоко ги негираат обвинувањата.

Нисман ги обвини Кишнер и Тимерман за заговор за „обезбедување неказнивост“ за Иранците, кои Аргентина ги обвинува за учество во експлозијата. Покрај тоа, Нисман се обрати до судот со барање за испрашување на претседателката и шефот на дипломатијата, како и замрзнување на нивниот имот од околу 23 милиони американски долари.

Покрај тоа, обвинителот обвини уште неколку аргентински политичари блиски до актуелната влада. Според него, тие биле посредници во преговорите со Иран, во кои Аргентина на Техеран му предлагала жито во замена на испорака на нафта, којашто е нужно неопходна за разнишаната аргентинска економија.

Владата преку министерот за надворешни работи Ектор Тимерман категорички ги отфрли обвинувањата на Нисман и тврди дека целта на неговата акција е да се дестабилизира владата девет месеци пред одржувањето на првиот круг од претседателските избор./крај/мф/сн

Извор: Макфакс