Македонија
Заев: Сто проценти сме посветени кон ЕУ, по членството во НАТО
Претседателот на Владата, Зоран Заев, денеска учествуваше во тематскиот работен состанок, организиран од Министерството за надворешни работи, со шефовите на дипломатско-конзуларните претставништва на Македонија, акредитирани во земји – членки на Европската Унија и во постојаните мисии во ЕУ и во НАТО.
На состанокот е направен осврт на годишнината од зачленувањето на Северна Македонија во НАТО и е разговарано за европските перспективи, во пресрет на Советот на ЕУ во јуни 2021 година. Во рамки на чекорите во овие процеси, дискутирано е за можностите за остварувањето на клучните стратешки надворешно-политички приоритети на Република Северна Македонија, по зачленувањето во НАТО, а во контекст на ероинтеграцискиот процес.
„Остануваме 100-процентно посветени кон ЕУ и на градењето пријателства, низ политиките на дијалог, добрососедство и разбирање, како и на домашните реформски процеси, во насока на заслужените придвижувања на Северна Македонија на полето на евроинтеграциите, по успешното членство во НАТО, а при тоа зачувувајќи го дигнитетот на македонскиот јазик и македонскиот народ“, рече премиерот Заев.
На средбата е нагласено значењето на успешно спроведување на пописот, како граѓанска одговорност на сите, утврдена со закон, со цел придонес во создавањето можности за креирањето ефикасни јавни политики за развој на државата.
„Владата е политички стабилна. Очекувам рационалност од опозицијата и ефикасна работа на Парламентот во следниот период, со цел натамошен развој на државата на политички и економски план“, рече премиерот Заев.
Тој се осврна и на економската ситуација во нашата држава, за предностите за инвестирање во земјава, за мерките што ги креира Владата со цел привлекување инвестиции и изрази очекување, амбасадорите, со својата дејност во државите членки на ЕУ, да помагаат на Северна Македонија како на политички, така и на економски план.
Премиерот Заев зборуваше и за здравствената ситуација во државата и соопшти дека Влада ги презема сите потребни и можни чекори во заштитата на јавното здравје и во справувањето со последиците од пандемијата.
Амбасадорите се заблагодарија за темелниот брифинг од премиерот Заев за состојбите во државата и за владините позиции по клучни прашања и споделија свои размислувања и искуства за актуелни теми од значење за граѓаните и за земјата.
Домаќин на работниот состанок со шефовите на дипломатско-конзуларните претставништва на земјава во држави во ЕУ е министерот за надворешни работи, Бујар Османи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Курти примен како обичен гостин, а Вучевиќ со највисоки почести, братството со Србија го откри вистинското лице на оваа Влада, велат од Алијансата за Албанците
Според Алијанса за Албанците, моноетничката власт денеска ја запечати ориентацијата и односите на државата со соседните земји.
„Обидот да се прикрие скандалот со претседателката на Косово, Вјоса Османи преку приемот на премиерот Албин Курти денеска докажа дека и приемот на Курти бил понижувачки за Косово во однос на приемот што денеска му го приреди на премиерот на Србија, Милош Вучевиќ.
Сите бевме сведоци како премиерот Курти при посетата на Скопје не беше пречекан со висок државен протокол, со државниот оркестар и интонирање на химната на двете држави, туку беше примен во Владата само како обичен гостин.
Во меѓувреме, денеска за Вучевиќ беше организиран највисокиот државен протокол со комплетна церемонија од влегување на граница до прием во Владата. Дополнително, премиерот Мицкоски во изјави за медиумите потврди дека Србија е „повеќе од сосед“ и со нив делиме „повеќе од граници“.
Дополнително, двајцата премиери денеска се заложија за зајакнување на билатералните односи во областа на енергетиката и економската интеграција, додека во однос на Косово и другите соседи, Владата ги намалува средствата за инфраструктурни проекти како што се патот Скопје-Блаца и Коридорот 8“, реагираат од Алијанса за Албанците.
Македонија
„Мепсо“: Во голема паника ДУИ вeќе почна да ги напаѓа кадрите на Зијадин Села
Јавната набавка за хортикултурно уредување е постапка што ја распишало и ја спровело претходното раководство на АД МЕПСО и наша определба е да не се потроши ниту еден денар за овој целосно непотребен трошок, велат од „Мепсо“.
Потребата за ваква набавка, како што е наведено во соопштението, е наведена во планот на јавните набавки за 2024 година, објавена во мај, а одлуката за избор на најповолна понуда е донесена на крајот на јули од страна на менаџерскиот тим во заминување.
„Бидејќи постапката беше во финална фаза, а соочени со можноста од правни последици, АД МЕПСО ја потпиша. Инаку, станува збор за рамковна спогодба склучена за временски период од 12 месеци, што значи дека не постои обврска за искористување на средствата. Како нов менаџерски тим цениме дека набавката за хортикултурно уредување не е неопходна и за неа нема да се доставуваат нарачки. До овој момент не постојат финансиски импликации по однос на оваа спогодба и уверуваме така ќе биде до истекот на спогодбата. Оттука, цениме дека денешната прес-конференција е само блед обид на ДУИ преку напади на кадрите на Села компанијата да ја вовлече во партиски престрелки“, истакнуваат од компанијата.
Ја повикуваат јавноста да ја следи реализацијата на набавката преку електронскиот систем за јавни набавки затоа што, како што додаваат, јавноста има право да знае како се трошеле и трошат средствата на компанијата, која е во државна сопственост.
„Ова не е прв пример за непотребно трошење пари од страна на претходниот менаџерски тим ако се знае дека од буџетот на компанијата се трошеле пари за донации и спонзорства и онаму каде што не било неопходно, при што за оваа намена буџетот е пречекорен за речиси 10 милиони денари“, се истакнува во соопштеното.
Македонија
Тошковски – Ле Риголер: унапредувањето на полициската соработка е од големо значење за стабилноста на нашата земја и регионот
Министерот за внатрешни работи Панче Тошковки денеска оствари работна посета со новоназначениот амбасадор на Република Франција, Кристоф Ле Риголер.
На средбата фокусот на разговор беше ставен на заедничката соработка врз веќе прифатени и договорени проекти најчесто во форма на стручни и тематски обуки со цел унапредување на капацитетите на министерството од областа на борбата против наркотици, организиран криминал, мигрантски текови, контрола на граница, борба против криминални организации за криумчарење мигранти и други.
Тошковски ги истакна приоритетите кои ги има министерството за внатрешни работи како борбата со организираниот криминал и корупцијата, дигитализација на процесите, планираните реформи и беше потврдено дека унапредувањето на полициската соработка меѓу двете земји е од големо значење за заедничкиот придонес кон мирот, стабилноста како нашата земја така и на регионот.