Спорт
Хрватите и Португалците се намачија со аутсајдери, Белгија „збесна“ со осум гола против Белорусија!
Хрватска и Португалија се намачија за победи против апсолутни аутсајдери во квалификациите за Светското првенство во Катар во 2022 година, додека Белгијците и Холанѓаните не дозволија ваква мака со големи победи.
Португалија на Кристијано Роналдо по пропуштената победа кај Србија, започна со шокантно водство на Луксембург и тоа од страна на Жерсон Родригеш, фудбалер роден во Португалија во 30. минута, пред Диого Жота да го постигне третиот гол во последните два меча за да израмни на 1:1 во финишот на полувремето. Човек на одлука за Португалија беше, секако, Кристијано Роналдо, кој во 50. минута, конечно, ги донесе гостите во водство, пред во 80. Жоао Палиња да ги постигна конечните 1:3.
Светските вице-шампиони, Хрватска, имаа уште потешка 2:0 победа над Малта, откако гостите успеаја да ги заддржат „коцкестите“ без гол цел час. Замената Иван Перишиќ во 62. минута, конечно, го погоди голот на противниците. Капитенот Лука Модриќ во 76. минута од пенал зголеми на 2:0, a Јосип Брекало во 90. минута ги постави конечните 3:0.
Белгијците немаа ваков проблем, откако во првото полувреме дадоа четири гола на Белорусија за неверојатна 8:0 победа, а со 0:7 победа се вратија Холанѓаните од гостувањето кај Гибралтар.
СП 2022 КВАЛИФИКАЦИИ
ГРУПА А
Азербејџан – Србија 1:2
Луксембург – Португалија 1:3
Табела: 1.Србија 7, 2.Португалија 7, 3.Луксембург 3, 4.Азербејџан 1, 5.Ирска 0
ГРУПА Е
Белгија – Белорусија 8:0
Велс – Чешка 1:0
Табела: 1.Белгија 7, 2.Чешка 5, 3.Белорусија 3, 4.Велс 4, 5.Естонија 0
ГРУПА Г
Црна Гора – Норвешка 0:1
Гибралтар – Холандија 0:7
Турција – Летонија 3:3
Табела: 1.Турција 7, 2.Холандија 6, 3.Црна Гора 6, 4.Норвешка 6, 5.Летонија 1, 6.Гибралтар 0
ГРУПА Х
Кипар – Словенија 1:0
Словачка – Русија 2:1
Хрватска – Малта 3:0
Табела: 1.Русија 6, 3.Хрватска 6, 3.Словачка 5, 4.Кипар 4, 5.Словенија 3, 6.Малта 0
ЛУКСЕМБУРГ – ПОРТУГАЛИЈА
ХРВАТСКА – МАЛТА
БЕЛГИЈА – БЕЛОРУСИЈА
ѓ
ТУРЦИЈА – ЛЕТОНИЈА
ГИБРАЛТАР – ХОЛАНДИЈА
ВЕЛС – ЧЕШКА
ЦРНА ГОРА – НОРВЕШКА
СЛОВАЧКА – РУСИЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.
Спорт
Лукс Ернандез го пропушта Европското првенство?
Францускиот репрезентативец, Лукс Ернандез (28), се повреди во текот на полуфиналениот натпревар од Лигата на шампионите меѓу Борусија Дортмунд и ПСЖ (1:0).
Ернандез го повреди левото колено кога се обиде да го блокира Никлас Фулкруг, во моментот кога напаѓачот го постигна единствениот гол на натпреварот во 36.минута.
Ернандез веднаш го напушти теренот, клубот се уште не објави за каква повреда станува збор. Медиумите шпекулираат дека станува збор за вкрстените лигаменти.
„Неговото колено имаше навистина голем оток по натпреварот“, изјави тренерот на ПСЖ, Луис Енрике.
Лукас Ернандез е брат на Тео Ернандез, член на Милан. Лукас кариерата ја започна во Атлетико Мадрид, а Баерн го доведе во 2019 година за 80 милиони евра. Четири години подоцна тој пристигна во ПСЖ за 45 милиони евра.
Ернандез има 37 настапи за француската репрезентација со која го освои Светското првенство во Русија во 2018 година, додека во Катар во 2022 година се повреди во 13. минута од првиот меч со Австралија. После тоа тој повеќе не играше, а неговиот тим стигна до финалето и загуби од Аргентина.
Тој ја освои и Лигата на нации во 2021 година, во карирата освоил 14 клупски трофеи.
Со оглед на тоа што францускиот селектор Дидие Дешам има рок до 16 мај да го состави списокот со играчи за ЕП, а ситуацијата со Ернандез се уште е неизвесна, можно е тој да не се најде на списокот на патници за ЕП.
Европско првенство започнува на 14 јуни. во Германија. На ЕП Франција ќе биде во групата Д со Холандија, Австрија и Полска.
Спорт
Челси сака да го врати Конте на „Стенфорд Бриџ“
Фудбалскиот клуб Челзи сака да го врати Антонио Конте на „Стенфорд Бирџ“. Челси под водство на Маурисио Покетино од почетокот на сезоната игра по системот „топло-ладно“, се наоѓа на деветтото место и се очекува Аргентинецот да ја напушти клупата на крајот од сезоната.
Конте, го водеше Челзи од 2016 до 2018 година, ја освои титулата во Премиер лигата во сезоната 2016/17, а една година подоцна го крена и трофејот наменет за најдобриот тим од ФА Купот.
Меѓу останатите клубови со кои раководи Конте, кој е поранешен селектор на Италија, се Јувентус, Интер и Тотенхем.
Тотенхем беше неговиот последен клуб во неговата тренерска кариера. Тој минатата година го напушти со заедничка согласност, откако ги нарече играчите себични, а клупските челници губитници.
„Ова е приказната за Тотенхем: Истиот сопственик е тука 20 години и тие никогаш не освоиле ништо. Зошто? Дали е виновен клубот или секој тренер кој работел овде во овој период?”
Ова е интересна информација, бидејќи италијанските медиуми пред две недели обајавија дека Конте се договорил со Наполи. Според овои извори тој договорил три годишна соработа, вредна 8.000.000 по сезона, а од Аурелио Де Лаурентис добил ветување дека тој ќе ја води клупската трансфер политика.