Европа
Словачката влада поднесе оставка поради набавката на руската вакцина
Словачкиот премиер Игор Матович и целата негова влада денеска поднесоа оставки со цел да ја ублажат политичката криза предизвикана од тајниот договор за набавка на руската вакцина против коронавирусот – „спутник В“.
Тоа е првата европска влада што падна поради пандемија, но коалицијата од четири партии ќе остане на власт, со што ќе се избегнат предвремени парламентарни избори.
Претседателката Зузана Чапутова ја прифати оставката и му го даде мандатот за формирање влада на поранешниот министер за финансии, Едуард Хегер, кој, како и Матович, е од партијата Обични луѓе.
Тој во неделата објави дека ќе го прифати мандатот за формирање влада.
Владината криза се случи кога на почетокот на март беше потпишан таен договор, кој Словачка го потпиша за набавка на два милиона дози од руската вакцина против Ковид-19 – „спутник В“.
Матович ја нарача руската вакцина и покрај противењето на коалициските партнери.
Словачка е сериозно погодена од пандемијата на коронавирусот.
Со неколку измени кабинетот на Хегер се очекува да биде ист како и на Матович, а новиот премиер може да даде заклетва оваа недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.