Црна хроника
Приведени двајца тетовци за незаконско реемитување ТВ-програми
Полицијата вчера ги привела В. О. (33) и Б. О. (53) од Тетово поради сомнеж дека сториле кривично дело повреда на авторско право и сродни права.
„При претрес извршен со судска наредба во домот и помошните простории на В. О. на улицата 185 и во неговите деловни објекти на улицата Илинденска и улицата 120 во Тетово, пронајдена и со потврда е одземена разновидна опрема, која ја користел за реемитување телевизиски програми, односно преку посебен портал им препродавал ИП-телевизиски канали на заинтересирани корисници“, велат од МВР.
Повеќе парчиња разновидна опрема и други предмети одземени се и при претресот кај Б. О., кој исто така користел ИП-телевизиски портали за рееметување домашни и странски канали и од претплата на заинтересирани клиенти остварувал противправна имотна корист.
Од двајцата тетовци се одземени лаптопи, компјутерски куќишта, рисивери, УСБ-иња, андроид-бокс и друга опрема. По целосното рачистување и документирање на случајот, на В. О. и Б .О. ќе им бидат изготвени соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Мала Речица, пронајдена дрога
Вчера во 18.45 часот во Тетово, полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од с.Мала Речица, тетовско.
При претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.
Лицето било задржано во полициска станица и по целосно документирање на случајот, против него ќе биде поднесена соодветна пријава.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.