Црна хроника
Траги во „опелот“ има, но треба време да се анализираат

Најдени се многу траги во темноцрвениот „опел“ за којшто Министерството за внатрешни работи има докази дека бил на местото на петкратното убиство кај скопско Смилковци, но е потребно време тие да се анализираат, брифираат од МВР.
Полицијата ја знае историјата на возилото но не открива детали кога било внесено во Македонија, кој го купил и кој го продал, но потврдуваат дека било од поодамна влезено во земјата.
Се испитуваат сите безбедносни камери на бензинските пумпи, а имало и граѓани кои доброволно се јавувале дека имаат снимки направени со безбедносни камери од нивните домови и дека снимките може да и’ послужат на полицијата. Се проверуваат педесетина снимки за коишто е потребен одреден временски период да се прегледаат и да се утврди дали автомобилот е регистриран на некоја од нив.
Со анализа на земјата која била најдена на гумите на автомобилот било утврдено дека „опелот“ бил на местото на убиството.
Случајот бил пријавен околу 22.15 часот. Луѓе коишто минале крај езерото пријавиле дека виделе од далеку оти покрај езерото лежат тела. Тие не знаеле дали се мртви или нешто друго им се случило. Вториот повик следувал во 22.30 часот, кога рибари пријавиле дека има пет мртви тела. Убијците најверојатно дошле од надвозникот кај езерото.
Министерството за внатрешни работи не исклучува ниеден аспект или сценарио во истрагата, но нема да брзаат со квалификација. Во игра е и сценариото кое се шпекулира во јавноста, дека ова е одговор на полициската акција „Детонатор“ што ја стресе источна Македонија.
Од полицијата велат дека тоа што во јавноста не се изнесуваат детали, не значи дека полицијата нема информации. Од соседните држави засега се уште нема никакви информации освен декларативна помош./крај/мф//фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пожар зафати автомобил вечерва во Кавадарци

Пожар зафати автомобил вечерва во Кавадарци, а пожарникарите од Територијалната противпожарна единица се на терен и интервенираат на лице место.
Се работи за автомобил форд фокус.
Црна хроника
Едно лице загина, а две се тешко повредени во сообраќајка кај Кратово

Во тешка сообраќајна несреќа што се случи вчера попладне на регионалниот пат кај местото викано Превалец, во атарот на селото Трновац, кратовско, едно лице го загуби животот, а две лица се тешко повредени.
Несреќата се случила околу 14:24 часот меѓу товарно возило фиат добло со скопски регистарски ознаки, управувано од Љ.Т.(54) од Скопје, и патничко возило дачиа сандеро со кавадаречки регистарски таблички, управувано од С.В.(33) од Скопје.
Во судирот на самото место починал сопатникот од товарното возило, А.А.(38) од Скопје, чија смрт била констатирана од лекар. Со тешки телесни повреди се здобиле двајцата возачи, кои биле пренесени во Комплексот клиники „Мајка Тереза“ во Скопје.
Увид на местото извршиле јавен обвинител и увидна екипа од СВР Куманово, а причините за несреќата се утврдуваат.
Црна хроника
Полицијата приведе маж, уништувал политички плакати

Жител на кавадаречкото село Ваташа бил приведен рано наутро поради уништување плакати на политичка партија на кавадаречко подрачје, соопштија попладнево од Секторот за внатрешни работи – Велес.
-Денеска во 2:45 часот, полициски службеници од ОВР – Кавадарци го приведоа 33-годишниот А.Ѓ. од село Ваташа, кавадаречко, затоа што, заедно со други лица, уништувал плакати на политичка партија во Кавадарци и кавадаречко. А.Ѓ. е задржан во полициска станица и по документирање на настанот, против него ќе биде поднесена соодветна пријава, појаснија од СВР – Велес.