Спорт
Дончиќ му пресуди на Бостон, нов пораз на Лејкерси
Новиот пораз на ЛА Лејкерс и спектакуларните индивидуални партии на Девин Букер (Финикс Санс) и Лука Дончиќ (Далас Маверикс) ја обележаа ноќта во НБА-лигата.
Лејкерси, без Леброн Џејмс и Ентони Дејвис, се просечен тим. Милвоки Бакс им одржаа лекција на Лејкерси во Лос Анџелес 112.97.
Џру Холидеј постигна 32 поена, а Јанис Адетокумбо забележа 28 поени и 10 скока. Кај Лејкерси се истакна Монтрез Херел со 19 поени. За Лејкерси дебитира Андре Драмонд, кој одигра 14 минути, па се повлече поради повреда.
Финикс Санс во неизвесна завршница ја однесе победата над Чикаго Булс 121:116. Блескаше Девин Букер со 45 поени. Кај Булс најдобра беше Никола Вучевиќ со 24 поени и 10 скока.
Далас Маверикс славеше во Бостон 113:108. Лука Дончиќ мечот го заврши со 36 поени, осум скока и пет асистенции. Тројката Џејлен Браун, Џејсон Тејтон и Кемба Вокер не успеа да го извлече Бостон од поразот. Браун постигна 25, Тејтум 24, а Вокер 22 поена.
Резултати:
Денвер-Портланд 101:124
Индијана-Мајами 87:92
Бруклин-Хјустон 120:108
Мемфис-Јута 107:111
Минесота-Њујорк 102:101
Оклахома-Торонто 113:103
Сан Антонио-Сакраменто 120:106
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.