Спорт
Милвоки падна во Далас, Клиперси подобри од Финикс, нов пораз на Лејкерси
Далас, ЛА Клиперс и Јута забележаа победи во дерби натпреварите, одиграни изминатата ноќ во НБА-лигата.
Далас маверикси, предводени од двоецот Лука Дончиќ-Кристапс Прозингис, славеа во дуелот со Милвоки бакс, 116:110. Дончиќ постигна 27 поени, на кои придодаде по девет скока и асистенции, а Прозингис мечот го заврши со 26 поени и 17 скокови.
Лејкерси против Мајами го забележаа 20. пораз во сезоната. Џими Батлер постигна 28 поени во триумфот на мајами од 110:104. Ист број на поени кај Лејкерси постигна Калдвел-Поуп.
Клиперси, во интересен меч, славеа над Финикс 113:103. Најодбрите играчи на Клиперс, Пол Џорџ и Каваи Ленард заедно постигна 60 поени. Џорџ со 33 беше најефикасен играч на натпреварот, Ленард уфрли 27 поени.
Најдобриот тим во лигата, Јута џез, предводен од Донован Мичел (37 поени), славеше победа над Портланд 122:103. Одличен меч одигра Руди Гобер (18 поени, 21 скок). Кај Портланд се истакнаа Демијан Лилард со 23 и Си Џеј Мекалум со 19 поени.
Резултати:
Мајами-ЛА Лејкерс 110:104
Торонто-Чикаго 113:122
Оклахома-Кливленд 102:129
Далас-Милвоки 116:101
ЛА Клиперс-Финикс 113:103
Сакраменто-Детроит 101:113
Јута-Портланд 122:103
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црвена звезда повторно е шампион на Србија
Фото/ Starsport
Фудбалерите на Црвена звезда на четири кола до крајот на сезоната во Супер лигата на Србија, математички ја обезбедија шампионската титула, седма во низа и 35. во клупската историја.
Црвена звезда, во 33.коло на стадионот „Рајко Митиќ“ го совлада ТСЦ со 2:1. На четири кола пред шампионатот има недостижни 14 бода повеќе најголемиот ривал Партизан, кој во ова коло загуби на домашен терен од Војводина со 2:3..
Сите погодоци во на натпреварот во Белград беа постигнати во вториот дел, Олајинка погоди во 55.минута за 1:0, израмни Милосављевиќ пет минути подоцна. Во 75. минута Ндиаје ги постави конечните 2:1 за големо славје на црвено-белите.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024