Македонија
34 починати и 193 нови случаи на Ковид-19

Од Министерството за здравство информираат дека во последните 24 часа се направени 1.192 тестирања, а регистрирани се 193 нови случаи на Ковид-19 во Скопје – 110, Прилеп – 16, Кавадарци – 15, Куманово – 12, Штип -9, Тетово – 7, Кочани и Кичево по 4, Велес – 3, Битола, Струга и Дебар по 2 и по еден во Охрид, Струмица, Неготино, Гевгелија, Свети Николе, Валандово и Македонски Брод.
Регистрирани се и 1.014 оздравени пациенти од: Скопје – 427, Охрид – 62, Прилеп – 59, Битола – 58, Кавадарци – 52, Куманово – 42, Велес – 40, Гевгелија – 35, Гостивар – 29, Струмица – 27, Кочани – 20, Тетово – 19, Штип – 18, Валандово и Берово по 14, Кичево и Свети Николе по 12, Македонски Брод – 11, Неготино – 8, Крушево – 7, Струга, Делчево, Пробиштип и Богданци по 6, Радовиш – 5, Ресен и Демир Капија по 4, Крива Паланка, Демир Хисар, Кратово и Пехчево по 2 и по еден во Виница, Македонска Каменица и Дојран.
Пријавени се вкупно 34 починати лица: 15 од Скопје (54г, 56г , 60г, 60г, 63г, 63г ,67г, 67г 68г, 69г, 69г, 71г, 76г, 76г и 80г), пет лица од Прилеп (62г, 64г, 70г, 85г и 87г), по две починати лица од Куманово ( 74г и 83г), Битола (59г и 75г), Штип (68г и 77г), Кочани (66г и 81г) и Кичево (66г и 68г) и по едно лице од Велес (76), Охрид (42), Неготино (58) и Свети Николе (68). Сите од нив се починати во болнички услови.
Направени се 1.192 тестови преку: ИЈЗ-112, ЦЈЗ Скопје-19, Клиника за инфективни болести и фебрилни состојби-1, МАНУ-79, Жан Митрев (Филип Втори)-165, Биотек-198, Систина-249, Синлаб – 27, Генеа – 19 и ЈЗУ и ПЗУ (рапид тест) – вкупно 323.
Досега во земјата се направени вкупно 670.333 тестирања на Ковид-19.
Вкупната бројка на ковид-дијагностицирани од почетокот на епидемијата изнесува 142.034, бројката на оздравени пациенти е 117.794, на починати е 4.262, а бројот на активни случаи изнесува 19.978.
Според епидемиолошките анализи, статистиката по градови во моментов е следна:
Скопје 63.330, активни 9.324
Куманово 7.667, активни 1.211
Прилеп 7.632, активни 1.033
Тетово 6.708, активни 667
Битола 5.328, активни 1.205
Велес 5.010, активни 796
Гостивар 4.861, активни 495
Кавадарци 4.844, активни 589
Штип 4.579, активни 452
Охрид 4.550, активни 750
Струмица 3.635, активни 527
Струга 2.808, активни 227
Кочани 2.473, активни 288
Кичево 2.234, активни 280
Неготино 2.058, активни 267
Гевгелија 2.034, активни 370
Свети Николе 1.375, активни 129
Крива Паланка 1.143, активни 90
Ресен 1.135, активни 233
Радовиш 1.000, активни 143
Берово 939, активни 103
Делчево 895, активни 82
Дебар 890, активни 59
Пробиштип 734, активни 68
Виница 691, активни 102
Валандово 587, активни 83
Крушево 449, активни 115
Богданци 446, активни 69
Демир Капија 386, активни 57
Демир Хисар 347, активни 49
Кратово 343, активни 22
Македонски Брод 337, активни 42
Пехчево 241, активни 20
Македонска Каменица 216, активни 7
Дојран 129, активни 24
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ССНМ го осудува и бара онлајн малтретирањето на новинарката Мирослава Симоновска веднаш да престане

„Самостојниот синдикат на новинари и медиумски го осудува повторувачкото онлајн малтретирање од страна на Зоран Божиновски кој на 14.08.2025 година, ја фотографирал новинарката на Слободен печат Мирослава Симоновска додека седи на јавно место со две обвинителки“, велат од ССНМ.
„Притоа на социјалните мрежи, на крајно недоличен и вулгарен начин истото лице ја клевети Симоновска дека „се пазарела со обвинителките“, а медиумот „Слободен печат“ го нарекува „подземно, милицајско-таблоидна новина“.
ССНМ смета дека станува збор за онлајн малтретирање, кое не е прво и кое што почна претходните неколку денови, по објавен напис на „Слободен печат“ кој потоа беше објавен и на Телма ТВ, а кој воопшто не е авторско дело на Мирослава Симоновска, но во објавите на Божиновски е напаѓана и деградирана, лажно посочувана како авторка на текстот, нарекувана кообвинителка, рекетарка, заедно со медиумот и со обвинителка во предметот.
Сметаме дека тенденцијата да се фотографираат новинари е со цел да се конструира лажен наратив во јавноста, да се предизвика чувство на нелагодност, демнење, сето тоа проследено со невистинити конструкции да се влијае врз нивната работа.
Потсетуваме дека Мирослава Симоновска беше следена и снимана на ист ваков начин во ноември 2024 година од непознато лице додека седи на маса со ќерката на државниот јавен обвинител Љупчо Коцевски, по што снимките му беа дадени на тогашниот шеф на Вишото јавно обвинителство Мустафа Хајрулахи од страна на лица задолжени за нејзино следење, за што во ОЈО Скопје има кривична пријава против НН службено лице за неовластено снимање поднесена од Симоновска. ОЈО Скопје го нема расчистено настанот, односно нема откриено кој е тој што неовластено ја снимал и следел Симоновска, иако снимањето се случи во истото кафуле на градскиот Кеј, каде има многу камери. ССНМ бара итно и безусловно решавање на овој предмет и секое пролонгирање ќе го толкува како обид за заплашување на новинарите и дополнителен притисок врз нив, и нивната работа“, се наведува во соопштението на ССНМ.
Македонија
Изминатите два дена 1455 сообраќајни прекршоци на територија на цела држава, 348 за брзо возење

Во текот на изминатите два дена како резултат на редовните сообраќајни контроли што ги реализириаат полициските службеници од сите сектори за внатрешни работи на патиштата низ земјава, од вкупно 1455 издадени платни налози дури 145 прекршоци се однесуваат на возачи кои што учествувале во сообраќајот без возачка дозвола. Истовремено 20 возачи возеле под дејство на алкохол и се исклучени од сообраќај, додека пак 179 возачи на мотоцикли се санкционирани заради неносење на заштитен шлем, извести МВР.
„Инаку согласно одредбите од Законот за безбедност на сообраќајот на патиштата најмногу прекршоци во текот на викендот 384 се однесуваат на непочитување на пропишаната брзина на движење, 343 за недозволено паркирање, додека пак прекршочно се санкционирани уште 51 возач за некористење сигурносен појас, 31 заради користење мобилен телефон при возење, 27 минале на црвено светло, а седум возачи се санкционирани поради не исполнување на пропишаните услови во однос на затемнувањето на стаклата на возилата.
Исто така, а согласно Законот за возила, 39 возила биле отстранети од сообраќај заради тоа што биле нерегистрирани.
Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта“, соопшти МВР.
Македонија
ДУИ: Азир Алиу веднаш да поднесе оставка за измамите во Клиничката болница во Тетово

„Демократската унија за интеграција најостро го осудува јавниот измамнички чин на министерот за здравство, Азир Алиу, кој манипулираше со одлуките за вработувања во Клиничката болница во Тетово, излажувајќи 155 вработени и целата јавност“, велат од ДУИ.
„Вчера сведочевме на скандалозен апсурд: Азир Алиу го демантира Азир Алиу! Најпрво објави дека има вработувања, а потоа ги негираше, со што докажа дека целиот процес бил политичка лага за собирање изборни поени на грбот на граѓаните и здравствените работници.
Не може да се релативизира лагата и измамата. Мора да се отфрли оваа опасна теорија на политичка манипулација, каде што министерот отворено тврди дека работата е завршена, дури обвинувајќи ги другите за лаги, за денес да каже дека ништо не е завршено, но „по пролонгирањето ќе се заврши“. Ова не е одговорна политика, ова е потсмев кон граѓаните.
Ова требаше да биде преседан, но за жал станува секојдневие кај албанските функционери кои без легитимитет опстануваат во Владата, што покажува недостиг на одговорност, недостиг на транспарентност и потценување на граѓаните и цела Северна Македонија. Министерот Алиу ја загуби секоја кредибилност и не може да остане ниту еден ден на чело на Министерството за здравство.
ДУИ бара итна оставка од Азир Алиу! Здравството не може да се води од луѓе кои отворено лажат и си поигруваат со судбината на граѓаните и здравствените работници“, се додава во соопштението на ДУИ.