Црна хроника
Љубе Бошкоски и шефот на неговото обезбедување осомничени за вмешаност во убиството на Тушевски
Поранешниот министер за внатрешни работи и лидер на Обединети за Македонија кој моментално е во затвор, шефот на неговото обезбедување Зоран Трајковски и други полициски функционери се осомничени дека се вмешани во убиството на Маријан Тушевски и Киро Јанев.
По повеќе од десет години, на барање на обвинителството, Министерството за внатрешни работи изутрината приведе девет лица кои, а шестмина се во бегство под сомнение дека го извршиле и помагале во убиството.
Српските државјани Предраг Чубрило, Милан Илиќ и Милорад Ковачевиќ се осомничени дека се директни извршители на двократното убиство, но сега се во бегство.
Во бегство е и уште еден српски државјанин и двајца поранешни функционери кои сега се во пензија.
Бошкоски кој беше министер во 2001 година, кога се случи убиството, неговиот шеф на обезбедувањето Зоран Трајковски, Сашо Јовановски викан Тупан, вработен во секторот за набљудување и следење при МВР и други полициски функционери се осомничени дека знаеле за убиството и го помагале.
„Дел од вработените во МВР во време на извршување на кривичното дело се товарат дека знаеле и дека ги помагале сторителите на убиството од самиот почеток, додека останатите се товарат дека преку непостапување им овозможиле да избегаат од Македонија. Лицата кои денеска беа приведени, се на распит пред истражен судија“ изјави портпаролот на МВР, Иво Котевски.
Тој вели дека ова не е политичко апсење, туку расчистување на убиство кое досега било мистерија. Според информациите на МВР, неколку од осомничените сé уште работат во МВР.
Бошкоски во вторникот не бил однесен на распит кај истражен судија, но ако биде потребно ќе даде исказ.
Марјан Тушевски и Кире Јанев беа убиени на 10-ти јули 2001 година. кога излегувале од кафулето „ЗУ“ во скопската населба Капиштец. Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега.
Мотивот за убиството сé уште не се открива, но неофицијално една од причината за убиството биле нерасчистени сметки и пари.
Како што пишува тогаш медиумите, Тушевски имал многу непријатели, бидејќи се занимавал со изнуда на пари, односно вршел рекет на речиси сите дуќани во трговскиот центар Беверли хилс и повеќе приватни претпријатија од Скопје.
Полицијата ова убиство го поврзуваше и со инцидентот што наводно се случил претходно, кога шурата на министерот за внатрешни работи, Љубе Бошкоски, бил претепан од неколку лица, а потоа со автомобил бил одвезен на Водно, каде што насилниците го оставиле и си заминале./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен жител на Богданци за убиство на сопствената мајка
Полицијата уапси 39-годишен жител на Богданци, осомничен за убиство на сопствената мајка.
Според информациите од МВР, денеска во Полициската канцеларија Богданци, полициски службеници од СВР Струмица-ОВР Гевгелија го лишија од слобода П.С.(39) од Богданци.
На 11.01.2026 околу 21:00 часот во стан во кој престојувале дошло до расправија помеѓу П.С. и неговата мајка М.С.(58) од Богданци, која преминала во физичка пресметка во која П.С. со остри предмети и нанел убодни рани на М.С. во пределот на главата.
Од здобиените повреди М.С. починала, а смртта е констатирана и од лекар од Итна медицинска помош Гевгелија.
На 12.01.2026 година во 07:05 часот во Полициската канцеларија Богданци П.С. сам го пријавил делото. Увид на местото изврши јавен обвинител од Основното јавно обвинителство Гевгелија и екипа од ОВР Гевгелија.
По наредба на обвинител телото на починатата е предадено на обдукција, а против сторителот во текот на денот ќе биде поднесена кривична пријава под сомнение за сторено кривично дело „убиство“.
Црна хроника
Пронајдени и одземени 220 таблети во пакет за осуденик во затворот Идризово
На 11 јануари 2026 година во 15:00 часот во СВР Скопје, од Казнено-поправна установа Затвор Идризово било пријавено дека околу 12:30 часот, при извршен претрес на пакет наменет за осудено лице А.Н. (39) од Скопје, биле пронајдени и одземени 220 таблети.
Од полицијата информираат дека се преземаат мерки за целосно расчистување на случајот.
Црна хроника
Инцидент во трговски центар: две жени меѓусебно се пријавиле за физички напад
На 11 јануари 2026 година во 13:10 часот во СВР Скопје, С.К.П. (41) пријавила дека околу 12:20 часот во трговски центар на подрачјето на Центар била физички нападната од М.Д. (56).
Според пријавата, со М.Д. било и едно машко лице кое ја снимало С.К.П. со мобилен телефон.
Од полицијата информираат дека и М.Д. поднела пријава, во која навела дека била физички нападната од С.К.П.
Се преземаат мерки за целосно расчистување на случајот.

