Спорт
Тејтум им пресуди на Портланд, Богдановиќ и Богдановиќ броеја до 23
Бостон Селтикс, ја забележаа третата победа во низа, на турнејата по Западната конференција. По Шарлот и Денвер, Селтикс, во драматичен финиш славеа и во Портланд. Забележителни настапи за своите тимови, Атланта и Јута, имаа Богдан и Бојан Богдановиќ.
Портланд, успеаја да ја стигнат предноста на Бостон, да влезат со два поени предност во последната минута, меѓутоа не успеаја да победат. Минусот од седум поени, Портланд во предност од два коша, го претвори со тројките на Лилард, Мекалум и Пауел. Сепак во последната минута блесна Џејсон Тејтун кој постигна кош и реализира дополнително слободно фрлање, а потоа и тројка за плус 4.
Тејтум мечот го заврши со 32 поени, Браун постигна 24, а Вокер 21 поен. Портланд го предводеа Лилард со 28 и Кармело Ентони со 25 поени.
Бруклин Нетс го декласираа тимот на Минесота со 127:97. Предноста на Нетс во еден момент изнесуваше 45 поени. Во отсуство на Кајри Ирвинг и Џејмс Харден, Кевин Дурент го предводеше тимот со 31 поен.
Најдобриот тим во лигата, Јута Џез леснос е справи со Оклахома. Во победата 106:96, Хрватот Богдановиќ постигна 23 поени, поен помалку реализираше Донован Мичел, кој на претходните три натпревари постигнуваше најмалку 40 поени.
Ист број на поени (23), постигна и Србинот Богдановиќ во триумфот на Атланта над Торонто (108:103). Богдановиќ игра одлично на последните натпревари, максимално го користи отсуството на Данило Галинари и Тре Јанг.
Резултати:
Бруклин-Минесота 127:97
Индијана-ЛА Клиперс 115:126
Торонто-Атланта 103:108
Шарлот-ЛА Лејкерс 93:101
Јута-Оклахома 106:96
Финикс-Мајами 106:86
Портланд-Бостон 115:116.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.
Спорт
(Видео) Лејкерси се спасија од „метла“, Бостон го вратија брејкот
Лос Анџелес Лејкерс славеа победа над Денвер на домашен терен со 119:108 во четвртиот натпревар од првото коло на НБА плејофот и го намалија резултатот во серијата на 3:1.
По 11 последователни порази, од кои седум во плеј-офот, Лејкерси конечно после година ипол успеаја да ги победат Денвер Нагетс. За да направат нешто повеќе, а тоа победа во серијата ќе им треба колосално достигнување, каков што досега никој во НБА не го направил, а тоа е да станат првиот тим кој го сменил 3-0.
На шампионот не му помогна уште еден трипл дабл на МВП кандидатот Никола Јокиќ, втор во оваа серија. Србинот мечот го заврши со 33 поени и по 14 скока и асистенции (10/20 шут од поле, 2/5 тројки). Го следеа ортер и Џамал Мареј, но канадскиот репрезентативец шутираше 9/23 од поле.
Можеби соодносот на скокови од 46:39 за Лејкерс беше од пресудна важност. А во тој сегмент апсолутно доминираше Ентони Дејвис кој собра дури 23. Тој имаше 25 поени и шест асистенции. Леброн Џејмс беше најефикасен кај победниците со 30 поени, а двоцифрени беа и ДиАнџело Расел и Остин Ривс со по 21 поен.
Кошаркарите на Бостон славеа во третиот натпревар од првото коло на НБА плејофот на гостински терен против Мајами 104:84 и поведоа со 2:1 во серијата.
Мајами едноставно беа немоќен. Се можеше да се насети веќе во првата четвртина во која постигнаа само 12 поени, а практично мечот беше решен на полувремето, кога Селтикси дојдоа до предност од 63:39.
Кај победниците најефикасни беа Браун и Тејтум со по 22 поени, а Тејтум оствари дабл-дабл со 11 скока и шест асистенции. На другата страна Адебајо запиша 20 поени и девет скока, а Никола Јовиќ забележа личен плеј-оф рекорд 15 поени, осум скока и асистенции.