Регион
Србија формираше тим за преговори со ЕУ
Владата на Србија формираше преговарачки тим за преговорите со Европската унија и подготвено го очекува отворањето на првите поглавја, потврди во петокот министерката за европски интеграции, Јадранка Јоксимовиќ.
Србија на овој начин ѝ испраќа порака на Европската унија дека ги исполнила сите обврски како кандидат за членство во ЕУ и дека подготвено ќе го очекува отворањето на првите поглавја до крајот на годинава, изјави за Радио-телевизија Србија, министерката за евроинтеграции Јадранка Јоксимовиќ, и најави дека наскоро преговарачкиот тим на јавноста ќе ѝ го претстави премиерот Александар Вучиќ.
Преговарачкиот тим на Белград го сочинуваат 24 членови кои доаѓаат од државната администрација, академската заедници и цивилниот сектор. Србија очекува од Советот на министрите на ЕУ во септември да даде препорака за отворање на првите поглавја во процесот на евроинтеграциите.
„Се надеваме дека Советот на министри на ЕУ на заседанието во септември ќе усвои препорака за отворање на првите поглавја во процесот на европските интеграции“, изјави претходно во интервју за Данас министерката Јоксимовиќ. Додаде дека тоа би било предуслов до крајот на годинава да се одржи Меѓувладината конференција на којашто би можеле да бидат отворени првите поглавја.
Јоксимовќ појасни дека на Србија уште ѝ претстои обврската да го разработи планот за имигрантите, согласно оперативниот план за поглавјето 24 за прашањата на слободите и човековите права, но не сакаше да прогнозира кои поглавја први би можело да бидат отворени.
„Дали тоа ќе бидат поглавјата 35 и 32 или 23 и 24, многу зависи од продолжувањето на дијалогот меѓу Белград и Приштина. За мене најважно е дека сé што требаше да се стори од наша страна е направено“, изјави српската министерка за евроинтеграции.
Србија официјално го поднесе барањето за членство во Европската унија на 22-ри декември 2009 година, а статусот земја кандидат го стекна на 1-ви март 2012 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.