Свет
Кремљ: Русија ќе одговори реципрочно на новите санкции од САД
Кремљ соопшти дека ќе одговори на какви било нови незаконски санкции на САД кон Русија и предупреди дека новите мерки ќе ги намалат шансите за состанок меѓу американскиот претседател, Џо Бајден, и рускиот претседател, Владимир Путин.
Претходно денеска, светските агенции ја пренесоа веста дека САД воведува нови санкиции за Русија и протерале 10 руски дипломати.
Кремљ ги отфрла тврдењата на САД за мешање во изборите во 2020 година и дека стои зад хакерски напад врз софтверот на „Солар виндоус“.
Портпаролот на Кремљ, Дмитриј Песков, изјави дека Москва ќе почека за развојот на настаните пред да ги коментира санкциите.
Но, тој додаде дека ставот на Кремљ во однос на овие мерки и одговорите на нив останаа исти.
„Ја осудуваме секоја намера за воведување санкции, ги сметаме за незаконски и во сите случаи ќе се применува принципот на реципроцитет“, рече Песков.
„Реципроцитет, така што нашите интереси се обезбедени на секој можен начин“, додаде тој.
Песков истакна дека Русија не сака односите со Вашингтон да бидат „еден чекор напред, а потоа два назад“.
Во телефонскиот разговор во вторникот Бајден го покани Путин на состанок за повеќе прашања и ѝ порача на Москва да ги намали тензиите на украинската граница.
Песков во четвртокот рече дека новите американски санкции не ги зголемуваат шансите за ваква средба и додаде дека одлуката е на двата претседатела.
Учеството на Путин на климатскиот самит на Бајден е сè уште под дискусија, рече тој.
Портпарол на Кремљ истакна дека ситуацијата околу Украина останува напната бидејќи американските и силите на НАТО сѐ уште се блиску до руската граница.
Затоа е прерано да се зборува за деескалација, тврди Песков, и покрај извештаите дека Соединетите Американски Држави го откажале испраќањето на своите два воени брода на Црното Море.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Свет
(Видео) Хаос на првомајскиот протест во Истанбул: Летаa камења, уапсени 210 лица
Бројот на приведени граѓани за време на првомајскиот протест во Истанбул се зголеми на 210, изјави турскиот министер за внатрешни работи Али Јерликаја.
„Приведени се 210 лица кои не ги послушаа предупредувањата и се обидоа да одат на плоштадот Таксим и ги нападнаа нашите полицајци на Денот на трудот и солидарноста, 1 мај во Истанбул“, напиша министерот на платформата „Икс“
Како што јави ТВ каналот ТРТ Хабер, 28 полицајци се повредени кога учесниците на собирот ги нападнале со камења и стапови со знамиња.
На повредените полицајци им била укажана помош во градските болници.
Турската полиција денеска приведе група луѓе кои се обидоа да протестираат на плоштадот Таксим и покрај забраната на владата за првомајски собири, а на неколку претставници на синдикатите им беше дозволен пристап до споменикот на тој плоштад посветен на жртвите од инцидентот на 1 мај 1977 година. кога напаѓач отворил оган кон демонстрантите собрани на тоа место.