Спорт
Невил: Исфрлете ги Јунајтед, Арсенал и Ливерпул од Премиер лигата
Легендата на Манчестер јунајтед, Гери Невил, бара ригоризни казни за англиските тимови, кои најавија дека ќе бидат дел од новата Суперлига. Невил е разочаран од однесувањето на својот поранешен клуб и од останатите кои имаат желба да бидат дел од новиот фудбалски поредок.
„Четириесет години сум навивач на Манчестер јунајтед. Разочарана сум. Најмногу ме разочараа Јунајтед и Ливерпул. Да, од Ливерпул, клуб кој никогаш нема да оди сам, клуб од народот…Работници го основаа Јунајтед пред 100 години…Мораме да се бориме со моќниците на водечките шест клуба, меѓу кои е и мојот клуб. 12 месеци зборувам за ова, барам да се намали трошењето, да се балансираат сметките, ова што го прават е алчност“, рекол Невил.
„Сопствениците на овие клубови немаат никаква врска со фудбалот во Англија. Навивачите бараат заштита. Не сум против парите во фудбалот, и јас сум заработил од фудбалот, вложувам пари во фудбалот, но постојат некои принципи. Треба да у се овозможи на Лестер да оди во Лигата на шампионите доколку ја освои Премиер лигата. Јунајтед не е во ЛШ, не се ниту Арсенал и Тотенхем, тие сакаат да имаат ексклузивно право да бидат таму. Тоа е циркус. Ова е премногу“.
Гери Невил смета дека оние кои го потпишале договорот за Суперлигата да бидат жестоко казнети.
„На Јунајтед и останатите кои се пријавија за учество во Суперлигата треба да им биде срам, треба да им се одземат бодови, парично да бидат казнети. Ова е криминал. Ова е кривично дело против фудбалските вљубеници. Дајте му ја титулата на Барнли, Фулам нека останат во лигата, а од лигата исфрлете ги Јунајтед и Ливерпул и Арсенал. Бидете чесни. Тие сакаат да играат меѓу себе, а остатокот од Англија да гледа 14 клубови кои ќе се натпреваруваат во домашната лига“, заклучил во својот остар настап поранешниот капитет на Јунајтед, Гери Невил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Грилиш на принудна пауза
Еден од најдобрите играчи на Евертон, Џек Грилиш, ќе мора да направи долга пауза.
Како што беше потврдено денес, Грилиш доживеал сериозна повреда на стапалото, поради што го очекува пауза од околу три месеци.
„Денес, Грилиш беше подложен на дополнителни медицински тестови, по што беше утврдено дека има сериозна повреда која бара долга рехабилитација и закрепнување од најмалку 12 недели“, обајави клубот..
Во најдобар случај, Грилиш ќе се врати на теренот во втората половина на април, а дотогаш ќе пропушти голем број натпревари.
Евертон е 10-ти на табелата во Премиер лигата со 32 освоени бода.
Грилиш во најдобар случај ќе се врати на теренот на 18 април кога Евертон ќе го пречека градскиот ривал Ливерпул.
Foto/ depositphotos
Спорт
Тер Штеген во Џирона до крајот на сезоната
Голманот на Барселона и германски репрезентативец, Марк-Андре Тер Штеген, ќе игра на позајмица во Џирона до 30 јуни оваа година, објавија двата шпански клуба.
Според договорот што го постигнаа клубовите, Барселона ќе исплаќа околу 90 отсто од платата на тер Штеген.
Тер Штеген (33) пристигна во Барселона во 2014 година од Борусија Менхенгладбах, а оваа сезона одигра само еден натпревар за тимот од „Ноу Камп“.
Тер Штеген денес го имаше својот прв тренинг со својот нов клуб. Тој бранеше за германската репрезентација на 44 натпревари.
Foto/ depositphotos
Спорт
Конте: Не сме на нивото на Лигата на шампионите
Тренерот на Наполи, Антонио Конте, изјави дека е разочаран од нерешениот резултат против Копенхаген во седмото коло од Лигата на шампионите, објавија денес италијанските медиуми.
Фудбалерите на Копенхаген и Наполи играа вчера во Данска без победник, 1:1. Копенхаген од 35-та минута играше со фудбалер помалку, бидејќи црвен картон доби искусниот Томас Дилејни.
„Ме боли и мора да ги боли моите играчи. Мора да бидеме лути, мора да бидеме разочарани. Имавме во вистински услови за победа и пласман во плејофот. Можеме да имаме илјада изговори, но тие не вредат, бидејќи натпреварот одеше толку добро во тие околности, што мораше да победиме“, рече Конте.
Наполи моментално е на 23-то место на табелата на ЛШ со осум бода.
„Четврти натпревар по ред покажавме дека се мачиме. Имавме целосна контрола, со 11 играчи против 10, па дури и ако ви недостасуваат 10 играчи и се чувствувате уморни, мора да победувате во вакви натпревари. Едноставно – мора. Постои разочарување, бидејќи не успеавме, па затоа е очигледно дека нашето ниво не е соодветно за ова натпреварување во моментов. Имаме само осум бода во Лигата на шампионите, сите мора да ја прифатиме вината. Во оваа ситуација, мора да победите“, нагласи Конте.
Фудбалерите на Наполи ќе го пречекаат Челзи во последното, осмо коло од Лигата на шампионите.
Foto/ depositphotos

