Авион на компанијата „Саутвест ерлајнс“ полн со патници бил погоден со куршум од пиштол додека се движел на пистата на аеродромот Лав Филд во Далас, соопштија денеска локалните власти.

Авионот се подготвувал да полета за Индијанаполис кога куршум ја погодил десната страна на авионот под пилотската кабина, изјави портпарол на „Саутвест ерлајнс“ за Си Би Ес.

Авиокомпанијата соопшти дека никој не е повреден, а портпаролот на аеродромот Лав Филд во Далас изјави дека патниците биле симнати, авионот се вратил во депото, а пистата била накратко затворена.

Не се соопштуваат дополнителни детали за околностите на инцидентот или кој пукал.

Десет бебиња изгореа, а 16 се повредени во пожарот што се случил во петокот вечерта во болница во градот Џанси, во сојузната држава Утар Прадеш, Индија, јавуваат медиумите. Официјални лица изјавија дека пожарот брзо се проширил низ одделението каде што се лекуваат 55 бебиња.

„Четириесет и пет бебиња се спасени и добиваат медицинска помош“, изјави локалниот функционер Бимал Кумар Дубеј и потврди дека се уште не е јасно што го предизвикало пожарот.

Брајеш Патак, вицепремиер на Утар Прадеш денеска ја посетил болницата, се сретнал со семејствата на жртвите, ветил поддршка од владата на семејствата на жртвите и темелна истрага.

„Ќе ги идентификуваме одговорните за оваа трагедија и ќе преземеме строги мерки. Владата е со семејствата во овој тежок момент“, рече тој.

Кога пожарникарите пристигнале да го изгаснат пожарот, морале да ги скршат прозорците за да дојдат до доенчињата, а очевидци велат дека спасувачката операција започнала околу 30 минути по избувнувањето на пожарот, што ја забавило евакуацијата.

Fire in neonatal unit of a hospital in Jhansi city in India’s Uttar Pradesh state kills at least 10 newborn babies and injures 16 others pic.twitter.com/9TrRzrbQYq

— TRT World Now (@TRTWorldNow) November 16, 2024

Украинскиот претседател Володимир Зеленски изјави дека администрацијата на новоизбраниот американски претседател Доналд Трамп може да помогне побрзо да се стави крај на војната со Русија, јави државната новинска агенција Укринформ, пренесува Анадолија.

Во интервју за јавниот сервис „Суспилна“, Зеленски зборуваше за односите меѓу Украина и САД и се осврна на претходните разговори со Трамп за решавање на конфликтот, кој трае од 2022 година.

„Тој ја слушна основата на која стоиме. Не слушнав ништо против нашата позиција“, рече Зеленски.

Запрашан дали Трамп побара од Украина да влезе во преговори со Русија, Зеленски рече:

„Ние сме независна земја. И ние, за време на оваа војна, и нашиот народ и јас, лично, преговараме со Соединетите Американски Држави, и со Трамп и со Бајден и со европските лидери, докажавме дека реториката на „седи и слушај“ кај нас не функционира“.

Претседателот на Украина рече дека верува оти под водство на Трамп „војната ќе заврши побрзо“.

„За нас е многу важно да имаме праведен мир, за да немаме чувство дека сме ги изгубиле најдобрите луѓе поради неправдата што ни е наметната. Војната ќе заврши, но нема точен датум. Секако, со политиката на тимот што сега ќе ја води Белата куќа војната ќе заврши побрзо, тоа е нивниот пристап, нивно ветување пред јавноста, а и нив им е многу важно“, рече Зеленски.

Трамп, кој ја победи Камала Харис на претседателските избори на 5 ноември, често ја доведува во прашање поддршката на САД за Киев и вели дека би можел да го прекине конфликтот во рок од еден ден откако ќе биде избран.