Свет
Медведев: Односите меѓу Русија и САД се вратени во ерата на Студената војна
Претседателот на Советот за безбедност на Русија, Дмитриј Медведев, рече дека односите меѓу Русија и Соединетите Американски Држави во суштина во последните години се вратени во ерата на Студената војна.
Тој додаде дека санкциите и конфронтацијата водат до трајна нестабилност во светот.
„Во последниве години, односите меѓу Русија и Соединетите Американски Држави всушност се префрлија од ривалство кон конфронтација и нè вратија во ерата на Студената војна. Притисок од санкции, закани, спротивставување на конфликти, заштита на нивните себични интереси, сето тоа го носи светот во состојба на постојана нестабилност“, рече тој.
Според него, „Русија денес, како СССР во минатото, отсекогаш била таа што ги достигнува САД по однос на нивото на закана за противникот“.
Тој потсети и на кубанската ракетна криза од 1962 година, кога Советскиот Сојуз, како одговор на Америка, распореди стратешко офанзивно оружје на Куба.
Во тие услови, САД преминаа на понатамошна конфронтација, потсетува Медведев.
Тој верува дека два моменти се издвоиле во таа криза.
Друга таква ситуацијата, која беше на работ на војна, ја спасија лидерите на две суперсили, кои во тој момент покажаа трезвеност за да ја проценат ситуацијата, прифатија на компромис и затоа беа подготвени кон отстапки, прецизира Медведев.
Медведев ги советува САД да користат директна комуникација со Русија не само телефон со кој можат да стапат во контакт, туку и како можност за отворен дијалог.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.