Спорт
Вилок во 95. минута го расплака Ливерпул
Ливерпул повторно во едно бледо издание испушти победа на својот „Енфилд“. Тимот на Њукасл му откина бод на се уште актуелниот англиски шампион и тоа со гол во 95 минута.
Ливерпул поведе на мечот со убавиот гол на Мохамед Салах од свртување, уште во 3. минута од натпреварот. Ова беше прв погодок за Египѓанецот на „Енфилд“ по речиси 4 месеци.
„Црвените“ имаа повеќе од играта, упатија повеќе шутеви кон противничкиот гол, но без реализација.
Затоа финишот беше кобен за нив.
Најпрво Вилсон постигна гол во 92 минута, но по ВАР асистенција истиот беше поништен поради играње со рака.
Сепак, во 95 минута 22-годишниот Вилок постигна погодок кој беше регуларен.
Со ова реми Ливерпул се има 54 бодови по 33 одиграни меча и се наоѓа на шестата позиција, бод помалку од четвртопласираниот Челси.
Њукасл, пак, до сега собра 36 бода и е на +9 од позицијата која носи во Чемпионшип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси го декласира Вест Хем, Ливерпул убедлив против Тотенхем
Ливерпул и Челси забележаа убедливи победи во 36.коло, а Брајтон минимално ја победи Астон Вила.
Ливерпул одигра брилијантно во поголемиот дел од натпреварот. Поведе во 16. минута, кога Гакпо го проигра Салах, а Египќанецот го постигна својот 18. гол сезонава во Премиер лигата.
Кон крајот на првото полувреме „црвените“ го удвоија водството, со голот на капитенот Робертсон.
Ливерпул, во ист ритам продолжи и во вториот дел, Гакпо погоди во 50.минута, а потоа и Харви Елиот.
Во тој момент тимот на Јирген Клоп застана, а гостите од Лондо го искорситија да изборат чесен пораз. По гол постигнаа Ришарлисон и Сон.
Челси во градското дерби го декласира Вест Хем со 5:0. Дуелот беше решен во првиот дел кога „сините“ постигнаа три гола преку Палмер, Галагер и Мадуеке. Во вториот дел Џексон со два гола стави точка на натпреварот.
Ова е најубедлибата победа на Челси во историјата на меѓусебните дуели со Вест Хем.
Брајтон славеше победа над Астон Вила со голот на Жоао Педро во 87.минута.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.