Свет
Премиерот на Ерменија: Признавањето на геноцидот е прашање на нашата безбедност
Ерменскиот премиер Никол Пашинијан му напиша писмо на американскиот претседател Џо Бајден дека признавањето на геноцидот е прашање за безбедноста на Ерменија, особено по минатогодишните настани во војната во Нагорно Карабах, пишуваат агенциите.
Тие потсетуваат дека , Бајден ги нарече геноцид масакрите и присилната депортација на Ерменците во Отоманската империја во 1915 година.
„Ерменците ширум светот со ентузијазам го поздравија признавањето на геноцидот“, рече Пашинијан во писмото објавено на неговата веб-страница.
Во порака на својата фејсбук страница, Пашинијан му се заблагодари на американскиот претседател за како што вели таквата силна мерка кон правдата и историската вистина и за неговата непроценлива поддршка кон потомците на жртвите на ерменскиот геноцид.
„Признавањето на геноцидот е охрабрувачки пример за сите што сакаат да изградат праведно и толерантно меѓународно општество“, додаде ерменскиот премиер.
Турскиот претседател Реџеп Таип Ердоган го осуди вклучувањето на трета страна во внатрешните работи на Турција, а неговиот министер за надворешни работи Мевлут Чавушоглу рече дека Турција не треба да добива лекции за сопствената историја од никого. Повеќе од дваесет земји во светот официјално го признаа ерменскиот геноцид во 1915 година, што го изврши тогашната Отоманска империја за време на Првата светска војна, потсетуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Драма во Хрватска: мал авион ја промаши пистата и удри во луѓе, има повредени
Во несреќата што се случи на Хвар, Хрватска, кога помал авион ја промаши пистата, три лица се полесно повредени, јави ХРТ.
Несреќата се случила во Староградско поле, кога авионот ја промашил пистата при слетување и удрил во двајца велосипедисти.
Повредените со хеликоптер се пренесени во сплитската клиничка болница.
Свет
Русија и Украина разменија по 75 воени заробеници
Русија и Украина разменија по 75 воени заробеници, соопшти денеска руското Министерство за одбрана.
„Како резултат на преговарачкиот процес, 75 руски воен персонал, кои се соочуваа со смртна опасност во заробеништво, беа вратени од територијата под контрола на режимот во Киев, а за возврат беа префрлени 75 воени заробеници на вооружените сили на Украина“, се вели во соопштението.
Разменетите руски војници ќе бидат префрлени во Москва на лекување и рехабилитација во медицински установи.
Во соопштението се додава дека Обединетите Арапски Емирати дале помош за посредување во размената на затвореници.
Претходната размена на воени заробеници меѓу Киев и Москва се случи на 8 февруари, кога беа разменети стотина затвореници од двете страни.
Свет
Израелска армија: Се наоѓаме во центарот на Рафа
Израелската армија сега оперира во центарот на палестинскиот град Рафа во јужниот дел на Појасот Газа, соопшти армијата. Израелската армија таму откри ракетни фрлачи, тунели и оружје на Хамас, велат тие.
Иако очевидците видоа тенкови во центарот на градот претходно оваа недела, засега нема потврда за влез на копнената армија во областа.
Операцијата во Рафа на меѓународно ниво беше остро критикувана, меѓу другите и од најблиските сојузници на Израел. На прашањето во март дали инвазијата на Рафа ќе биде „црвена линија“, американскиот претседател Џо Бајден изјави за МСНБЦ дека тоа е „црвена линија“.
Претходно во мај тој се закани на „Си-Ен-Ен“ дека ќе ја ограничи испораката на американско оружје за Израел доколку еврејската држава го нападне Рафа.
Пред една недела, Меѓународниот суд на правдата во Хаг му нареди на Израел веднаш да ги прекине воените операции во Рафа.