Спорт
Мегваер со луд рекорд – не пропуштил минута во 71 меч во Премиер лигата!

Капитенот на Манчестер јунајтед, Хери Мегваер го израмни рекордот на клубот со тоа што од пристигнувањето од Лестер во 2019 година, не пропушти ниту една минута во 71 меч во Премиер лигата за „ѓаволите“.
28-годишниот англиски репрезентативец го одигра целиот меч при 0:0 ремито со Лидс јунајтед, со што ги има стартувано и завршено сите мечеви за „ѓаволите“, израмнувајќи го рекордот на Гери Палистер, кој од ноември 1993 до мај 1995 година одигра 71 меч без да пропушти минута. Единствена разлика е што во тој период, Јунајтед двапати ја освоија Премиер лигата.
Следен меч на Јунајтед е првото полуфинале од Лига Европа со Рома во четврток, по што во текот на викендот играат со Ливерпул во Премиер лигата.
Harry Maguire hasn't missed a single minute of @ManUtd's last
#PL matches, equalling Gary Pallister's club record in the competition among outfield players#LEEMUN pic.twitter.com/cid8cXmxrp
— Premier League (@premierleague) April 25, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кристенсен повторно се повредил

Штотуку им се врати на тренинзите по долга пауза, Андреас Кристенсен ќе мора да замине на нова пауза.
Данскиот дефанзивец го одигра првото коло оваа сезона и оттогаш е надвор од терените поради повредата што ја заработи на тој меч. Кристенсен повторно се повреди.
Овој пат го повреди стапалото на тренинг и ќе биде надвор од терените следниот месец, потврди тренерот Ханси Флик.
Данскиот репрезентативец пристигна во каталонскиот клуб во 2021 година од Челзи како слободен играч. Исто така, се чини дека тој наскоро од Барселона ќе се пресели во друг клуб. Неговиот договор истекува на крајот на следната сезона.
Спорт
Угледот му бил нарушен – Мурињо поднел тужба против Галатасарај

Тренерот на Фенербахче, Жозе Мурињо го тужеше градскиот ривал Галатасарај.
Нема крај на „третото полувреме“ од неодамнешното реми меѓу Фенербахче и Галатасарај. Она што се случуваше веднаш по натпреварот, а и во деновите потоа го тресат турскиот фудбал.
Последните вести велат дека Жозе Мурињо, контроверзниот тренер на Фенербахче, на тужбата што ја доби Галатасарај одговорил со лична тужба против најголемиот ривал на неговиот клуб.
Целата приказна започна со изјавата на Португалецот во финишот на мечот дека , дека луѓето од спротивната клупа „скокаат како мајмуни“.
„Мурињо упорно инсистира на навредливи коментари кон турскиот народ по неговото пристигнување во нашата земја. Денес сето тоа ескалираше. Поради тоа ќе поднесеме тужба против Мурињо, а неговото однесување ќе го пријавиме во ФИФА и УЕФА“, објави Галата, по што Турската фудбалска федерација го суспендираше Мурињо на четири натпревари.
Со закана за суспензија од шест месеци, што е максимална казна доколку се утврди дека коментарот на Жозе навистина бил расистички.
Во меѓувреме, и Мурињо го впери прстот кон градскиот ривал.
Фенербахче објави дека неговиот тренер бара 1.907.000 турски лири или 50.247 за нарушување на неговите права, нарушување на угледот што предизвикало душевна болка.
Спорт
Конте: Заслуживме повеќе од еден бод

Антонио Конте не е задоволен со освоениот бод против Интер во дерби мечот во Серија А. По дербито Интер ја задржа предноста од еден бод во однос на Наполи.
Италијанскиот стручњак на овој натпревар гледаше можност Наполи да се врати на врвот на табелата, но наместо победа неговиот тим освои бод во финишот на натпреварот.
„Одигравме одличен натпревар, дефинитивно заслуживме повеќе од бод, но овој натпревар ни дава надеж. По седум месеци работа, можеме да се погледнеме и да кажеме дека можеме да му направиме проблеми на секој што ќе игра против нас“.
Интер и оваа година е главен кандидат за титулата, но Наполи во текот на сезоната покажа дека има потенцијал.
„Постои мало незадоволство од бодот бидејќи одигравме одличен натпревар против навистина силен противник. Интер е граден со години за да се бори за Скудетото, тие се тимот што треба да го победиме оваа година за титулата“.