Свет
Палестинскиот синдикат ги критикува засилените израелски напади врз новинари
Синдикатот на палестинските новинари вчера ја осуди ескалацијата на нападите и гонењата против палестинските новинари што доведе до апсење на тројца новинари и повредување на уште петмина, пренесува „Мидл Ист монитор“.
Во изјавата се вели дека ескалацијата е порака до целиот свет оти угнетувањето и злосторствата на израелската окупација продолжуваат, што бара итни меѓународни активности за нивно ограничување.
Синдикатот бара итно ослободување на новинарит Кутајба Касим и Мухамед Атек, кои беа уапсени во петокот на воен контролен пункт северно од Ерусалим, и сите други новинари приведени од Израел.
Пет новинари неодамна биле нападнати од израелските сили додека ги извршувале своите должности. Меѓу нив се и Калед Бедир, кој се здобил со повреда на ногата откако бил удрен од канистер од солзавец додека известувал од ноќен марш во Тулкарм во саботата, палестинскиот репортер Осаид Собеих и снимателот Билал Џабарин, кои биле нападнати додека известувале од ноќен марш во близина на градот Ал-Бирех.
Во соопштението се додава дека новинарот Хафез Абу Сабра е повреден од канистер солзавец во градите при известување од ноќен марш на контролниот пункт Хувара, јужно од Наблус, додека новинарот Раџај Ал-Хатиб бил погоден од метален куршум што му го скршил стапалото додека известувал за настаните во близина на портата Дамаск во Источен Ерусалим.
Синдикатот ја изрази својата сериозна загриженост во врска со животот на новинарот Алаа Ал-Римави, кој беше пренесен во болница пет дена по апсењето како резултат на штрајкот со глад што го започна по неговото притворање. Ваквите напади, се вели во соопштението, нема да ги одвратат новинарите од извршувањето на нивните професионални и национални должности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Медведев: Гренланд би можел да се припои кон Русија ако Трамп не реагира брзо
Заменик-претседателот на рускиот Совет за безбедност Дмитриј Медведев изјави дека жителите на Гренланд би можеле да гласаат за припојување кон Русија доколку американскиот претседател Доналд Трамп не реагира брзо, пренесе Ројтерс.
Според Интерфакс, Медведев изјавил дека, според непроверени информации, за неколку дена би можел да се одржи ненадеен референдум на кој 55.000 жители на Гренланд би гласале за припојување кон Русија.
Во меѓувреме, Трамп повторно ја активираше иницијативата САД да преземат контрола врз Гренланд, автономна територија на Данска, наведувајќи дека островот е клучен за американската национална безбедност – потег што наиде на остро противење од Данска и властите на Гренланд.
Иако Русија формално не бара Гренланд, таа внимателно ја следи неговата стратешка улога во Арктикот, особено поради северноатлантските рути.
Фото: Depositphotos
Свет
Врховниот лидер на Иран: Ова е предупредување до Америка
Врховниот лидер на Иран, Али Хамнеи, им честиташе на социјалните мрежи на учесниците на денешните провладини собири.
Во серија објави на X, ајатолахот сподели фотографии од провладини демонстранти и рече дека тие „одлично ја завршиле работата“ и „го спречиле планот на странските непријатели, кој требало да го спроведат домашни платеници“.
„Големата нација Иран им се покажа на своите непријатели, заедно со својата решителност и идентитет“, додаде Хамнеи.
„Ова беше предупредување до американските политичари да престанат да бидат измамници и да не се потпираат на предавнички платеници“, додаде тој.
Свет
Украинската војска објави видео: Го освоивме градското собрание во Купјанск
Украинските одбранбени сили ја вратија контролата врз зградата на Градскиот совет на Купјанск, објави Вториот корпус на Националната гарда на Украина (НГУ), познат како Хартија.
„Хартија воспостави контрола врз зградата на Градскиот совет на Купјанск. Единицата за пребарување и уништување на Хартија и тактичката група Купјанск ги завршуваат операциите за расчистување во градот, кој беше деблокиран за време на успешната операција предводена од командата на Вториот корпус на НГУ“, се вели во соопштението.
Корпусот објави снимка од GoPro камера за која тврди дека е направена од борци од 4-тиот баталјон Хартија за време на упадот во зградата на Градскиот совет на Купјанск. Војниците од извидувачката и ударна група на баталјонот го кренаа украинското знаме над градскиот совет во центарот на Купјанск.
„Операцијата во Купјанск докажува дека благодарение на планирањето, стручноста на командантот и штабот и висококвалитетната подготовка на единиците – сето тоа го нарекуваме метод на Хартија – е можно успешно да се запре и уништи непријателот“, рече полковник Ихор Оболенски, командант на Вториот корпус.

