Македонија
ВМРО-ДПМНЕ: Која е вистинската причина да не се печатат учебници?
„Мила Царовска останува глува и сѐ поинтензивно и крајно инаетливо инсистира на мноштвото несоодветни решенија, што попримаат форма на глупост од концепцијата за реформа во основното образование. Притоа, истовремено, Царовска во своите настапи само ја потврдува оправданоста на многуте реакции од страна на ВМРО-ДПМНЕ, а сега и од огромен број родители и наставници кон експериментите во образованието.
Пример за оправданите реакции против концептот: за ранливите категории ученици училиштата ќе обезбеделе копии од дигиталните учебници. Дури и да дојде до тоа, училиштата, а не семејствата на учениците да мора да обезбедат копии, Мила Царовска да излезе и јавно да презентира и да објасни како тоа мултимедијалните содржини со видеа од дигиталните учебници ќе ги има во фотокопиите? Притоа како децата на фотокопија ќе видат дали рибата е црвена, портокалова или шарена. Токму примерот со рибите таа сама го посочуваше на ТВ-емисија објаснувајќи како без дигитални учебници фотокопиите немаат вредност. И токму тоа и сите го укажуваат, Царовска. Само книгите, учебниците, имаат вредност. Затоа треба печатен учебник, а не фотокопија.
Втор пример: училиштата ќе обезбеделе библиотечен фонд на таблети. Царовска, очигледно не ја знаеш состојбата во училиштата, училиштата не може да обезбедат хартија за п ечатење за наставниците! Училишта пливаат во долгови за струја, греење оваа зима не им вклучуваа на наставниците за да држат онлајн-настава од училиштето.
Трет пример: Наставниците не предаваат учебници, предаваат програми, па дали тоа во превод значи дека на наставниците не им требаат учебници? Добро, учебници им требаат на децата и тоа на оние што не може да си дозволат дигитализација. Нели ученикот е центар на вниманието во новата концепција?
Крајно време е Мила Царовска од светот на нејзината замисла да се врати во реалноста на сопствената земја. Тоа би било во корист на учениците и знаењето.
Зошто на Царовска ѝ е проблем децата да имаат нови модерни учебници? Која е вистинската причина за да не се печатат учебници? Книгата и знаењето немаат цена!“
Соопштение на ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.