Спорт
Јокиќ го блокира Вилијамсон за нова победа на Денвер
На крилјата на Никола Јокиќ кошаркарите на Денвер Нагетс во драматичен натпревар забележаа победа над Њу Орлеанс Пеликанс 114:112. Јокиќ одигра на МВП-ниво, беше најефикасен во својот тим и на три секунди до крајот ја имаше клучната блокада над Зајон Вилијамсон.
Пеликанс беше на чекор до сензационален пресврт против Нагетс. Во последните 45 секунди Пеликанс влезе со минус од девет поени, меѓутоа Брендон Инграм Вилијамсон и грешките на Нагетс ги вратија во натпреварот.
Во последниот напад Пеликанс влезе со минус од два поена, а Јокиќ со силна блокада го спречи Вилијамс да избори продолженија.
Јокиќ натпреварот го заврши со 32 поени, седум скока, осум асистенции, три украдени топки и три блокади. Србинот поддршка доби од Мајкл Портер Јуниор (28 поени, осум скока) и од Факундо Кампацо (19 поени, 10 асистенции).
Кај Пеликанс се истакнаа Вилијамсон со 27 и Инграм со 21 поен.
Покрај Јокиќ, одлични натпревари за своите тимови одиграа и другите кошаркари од просторите на поранешна Југославија.
Бојан Богдановиќ, беше најефикасен во тимот на Јута со 24 поени во импресивната победа на Џезерите над Сакраменто 154:105.
Јусуф Нуркиќ забележа 15 поени и девет скока во победата на Портланд во Мемфис 130:109.
Чикаго запишаа пораз во Њујорк 94:113. Никола Вучевиќ го предводеше Чикаго со 26 поени и 18 скока.
Богдан Богдановиќ поради повреда не играше за Атланта против Филалделфија (87:123).
Резлтати:
Кливленд-Орландо 104:109
Филалделфија-Атланта 127:83
Бостон-Шарлот 120:111
Њујорк-Чикаго 113:94
Вашингтон-ЛА Лејкерс 116:107
Мајами-Сан Антонио 116:111
Денвер-Њу Орлеанс 114.112
Мамфис-Портланд 109:130
Финикс-ЛА Клиперс 109:101
Сакраменто-Јута 105:154
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Естетски хирург го тужи Роналдо за 48.000 евра
Еден од најдобрите фудбалери во историјата, играчот на Ал Наср Кристијано Роналдо добил тужба од британскиот естетски хирург д-р Рошан Равиндран, познат и како доктор Рош, за наводно неплатена сметка од 48.000 евра.
Рош тврди дека поранешниот фудбалер на Манчестер јунајтед должи за третмани за време на неговиот престој на „Олд Трафорд“ во 2021 и 2022 година, пишува „Сан“.
Поранешниот кардиолог, кој е специјализиран за ботокс и филери, нега на кожа и подигнување на веѓите, забележува во тужбата дека вршел третмани за Роналдо, членовите на неговото семејство и придружбата во неговата клиника во Чешир.
Британските таблоиди повеќе ги интересираше дали и сопругата на Роналдо, Џорџина Родригез е негова пациентка.
„Судската постапка е во тек и како професионалец не можам да зборувам за моите пациенти“, изјавил докторот за „Сан“.
Пријател на хирургот на читателите им го доближи ликот и делата на д-р Рош.
„Тој е многу почитуван експерт во светот на личности од висок профил, вклучувајќи врвни политичари, членови на кралското семејство, спортисти и холивудски ѕвезди. Кога станува збор за третмани како ботокс и филери, тој несомнено е „број еден“. Неговата клиентела ја цени апсолутната дискреција и супериорните третмани“.
Спорт
Херојката од ОИ во Токио замина во пензија
30-годишната австралиска пливачка Ема Мекион, хероина на Олимписките игри во Токио во 2021 година, објави дека заминува во пензија. Одлуката Мекион ја објави на својот профил на „Инстаграм“.
Австралијката на Олимписките игри во Рио де Жанеиро, Токио и Париз освои вкупно шест златни, три сребрени и пет бронзени медали.
Таа во Рио освои златен медал во штафетата 4 х 100 слободно. Четири години подоцна, Токио, Мекион стана втората жена која освоила седум медали (четири златни и три бронзени) на еден Игри. 70 години претходно тоа и успеа на советската гимнастичарка Марија Горошовска (две златни, пет сребрени) во Хелсинки во 1952 година.
Во Париз, таа беше на највисокото скалило на подиумот со штафетата 4 x 100 метри мешано.
„Пред Париз знаев дека ова ќе ми бидат последни Олимписки игри, а месеците што следеа ми дадоа време да размислувам за мојот пат и што сакам да правам во иднина“, изјави Мекион.
На Светското првенство во големи базени таа освои пет златни, 11 сребрени и четири бронзени медали.
Спорт
Проблем за Реал, се повреди и Винисиус Жуниор
Реал Мадрид ќе биде значително ослабен на гостувањето кај Ливерпул во петтото коло од Лигата на шампионите.
Големото дерби ќе го пропушти Бразилецот Винисиус Жуниор, вториот најдобар фудбалер во светот минатата сезона.
Бразилецот ќе отсуствува еден месец поради повреда на задниот дел на левата нога.
Тоа е голем удар за Реал, кој е под притисок откако претрпе два порази во првите четири кола.
Винисиус се повреди, вчера во победата кај Леганес со 3:0.
Тренерот Карло Анчелоти реши да го одмори Килијан Мбапе во последните десет минути од тој натпревар, па го остави Бразилецот во игра.
Во текот на натпреварот Винисиус немал никакви проблеми, непријатност почувствувал кога влегов во соблекувалната. Тестовите покажаа дека Винисиус ја обновил повредата која веќе двапати ја доживеа минатата сезона.
Бразилецот е исклучително експлозивен играч и насобраниот замор од бројните натпревари влијае на неговите мускули.
Реал по четири одиграни натпревари е 18-ти во Лигата на шампионите со само шест бодови, додека Ливерпул е единствениот тим со четири победи во исто толку натпревари и со гол разлика 10:1.
Прашање е кој ќе игра во нападот против Ливерпул крај Мбапе, бидејќи од претходно е повреден и Родриго.