Гувернерот на американската сојузна држава Мисури, Џеј Никсон, прогласи вонредна состојба и воведен полициски час во Фергусон, предградието на Сент Луис, во кое бел полицаец минатата седмица застрела невооружен црн тинејџер што предизвика расно мотивирани протести кои се претворија во безредија.

Полицискиот час, како што објави на прес-конференција гувернерот Никсон, ќе трае од полноќ до 5 часот наутро и ќе биде на сила до завршувањето на безредијата. Гувернерот изјави дека властите „не можат да дозволат грабежи и криминал преку ноќите, дека не може да има престрашени луѓе“ и дека мирот мора да биде воспоставен за правдата да биде задоволена.„Очите на светот се вперени во нас. Ова е тест за заедницата, како за оваа, така и за секоја друга, може ли да се излезе од кругот на стравот, недовербата и насилствата и да бидат заменети со мир, сила и правда“, изјави гувернерот на Мисури.На истрагата за убиството на 18-годишниот Мајкл Браун, афроамериканец кој беше убиен од белиот полицаец Дарен Вилсон, работи и Федералното биро за истраги (FBI). На улиците во Фергусон во саботата излезе и интервентната полиција, за да ги спречи новите безредија.Тензиите во Фергусон, откако претходната ноќ минаа мирно, но се проширија во градот Окленд во сојузната држава Калифорнија, во саботата повторно се разгореа откако полицијата го објави името на полицаецот кој го застрелал тинејџерот, а потоа објави снимки укажуваат дека Браун ограбил продавници пред да се случи инцидентот во кој бил убиен.Според извештаите на американските медиуми, демонстрантите во Фергусон во саботата провалиле во неколку продавници и со шишиња ја гаѓале локалната продавница којашто, според полициската снимка којашто ја објави локалната полиција. На снимката направена извесно време пред убиството се гледа како 18-годишниот Мајкл Браун краде и го малтретира сопственикот на дуќанот.До новите насилни протести доаѓа и покрај повиците на семејството на убиениот тинејџер, на многу познати американски личности од афроамериканската заедница, како и на претседателот Барак Обама, да се стивнат страстите. Семејството на момчето вели дека „Мајкл не бил совршен“, но ја критикуваа полицијата дека со емитувањето на снимката се обидува „да го оправда убиството во стилот на егзекуција“.Полицијата подоцна објави дека полицаецот кој го застрелал тинејџерот не знаел дека Браун е осомничен за грабеж. Според некои претходни информации од полицијата во Фергусон, момчето било застрелано при борба за пиштол со полицаецот при обид тоа да биде внесено во полициско возило.Началникот на полицијата во Фергусон, Томас Џексон, кој инаку е критикуван дека во гратчето со околу дваесет илјади жители од 53 полицајци само тројца се црнци, иако огромно мнозинство од жителите се афроамериканци, изјави дека ја објавил полициската снимка, бидејќи на тоа бил принуден поради многубројните повици од медиуми.Според него, грабежот е изведен без употреба на огнено оружје. На снимката се гледа како продавачот во продавниците е малтретиран од крупен афроамериканец, кој подоцна полицијата го идентификуваше како Мајкл Браун. Тој „земал кутија цигари“ и му ја дал на вториот осомничен, на пријателот Дориан Џонсон, според снимката.Началникот Џексон од убиството даде неколку интервјуа во кои изјави дека Браун ги подигнал рацете во воздух во знак на предавање пред да полицаецот да пука во него. Во петокот беше објавено и името на полицаец, 28-годишниот Дарен Вилсон, кој го убил Браун и кој по интервенцијата бил примен во болница бидејќи се жалел дека е повреден во борбата со тинејџерот поради што имал оток на лицето. Тој работел во полицијата веќе шест години и досега против него немало никакви поплаки. Исто така, беше соопштено дела полицаецот Вилсон бил „шокиран од смртта на 18-годишникот“. Во четвртокот интернет порталот Huffington post објави истражување на јавното мнение во САД, според кое 47 отсто од Американците не веруваат во чесна истрага на ова полициско убиство, додека 39 проценти имаат спротивно мислење. Покрај тоа, 43 отсто од испитаниците изјавиле дека полицијата многу лесно и често прибегнува кон употреба на огнено оруќје, додека со нив не се согласуваат 32 отсто./крај/мф/сн

Извор: Макфакс