Свет
(Видео) Пукање во седиштето на ЦИА, агенти отвориле оган врз вооружен напаѓач
Во седиштето на американската централна разузнавачка агенција (ЦИА) во Вирџинија бил отворен оган врз вооружен напаѓач кој се појавил на платото пред главниот влез на агенцијата.
Во соопштението на ФБИ се наведува дека осомничениот излегол од својот автомобил, вооружен околу 18 часот, поради што агентите на ФБИ отвориле оган и го раниле, пренесува АП.
Напаѓачот, кој досега не бил идентификуван, бил повреден и однесен во локалната болница, а за неговата состојба сè уште нема информации.
„Го анализираме овој инцидент и ќе се обидеме да донесеме конкретни заклучоци што е можно поскоро“, се вели во соопштението на ФБИ.
Како што пренесуваат медиумите, агентите на ФБИ пукале кон возачот.
„ФБИ истражува пукање кон агент што се случи во понеделник, 3 мај, околу 18 часот по локално време. Едно лице вклучено во инцидентот пред седиштето на ЦИА излезе од автомобил со оружје и почна пресметка со службеници за спроведување на законот“, се потенцира во соопштението.
Ен-би-сСи објави дека членовите на ЦИА се обиделе да преговараат со напаѓачот, но тој одбил да го напушти комплексот, по што полицајците се обиделе физички да го отстранат автомобилот од портата. Возачот потоа излегол од автомобилот, држејќи огнено оружје и тврдејќи дека има експлозив со себе.
Извори за Ен-би-си изјавија дека постои можност напаѓачот да имал проблеми со менталното здравје и дека претходно се обидел да влезе во комплексот на седиштето на ЦИА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.