Свет
Колкy заработи „Фајзер“ оваа година од вакцините против коронавирусот
Минатата година во трката за развој на вакцина против Ковид-19 компанијата „Фајзер“ донесе голема одлука. За разлика од конкурентите, кои се заколнаа дека ќе се откажат од профитот од сопствените вакцини за време на пандемијата на коронавирусот, „Фајзер“ го планира токму спротивното, пишува „Њујорк тајмс“.
Производителот на лекови со седиште во Њујорк и германскиот партнер за вакцини „Бионтек“ објавија продажба на вакцини од 3,46 милијарди долари во првите три месеци, а сега предвидуваат продажбата да достигне приближно 26 милијарди долари во 2021 година, а не околу 15 милијарди долари, како што беше предвидено претходно, пренесува АП.
Двете компании очекуваат набргу да добијат одобрение во САД и ЕУ за давање вакцина на деца на возраст од 12 до 15 години, исто така продолжуваат да тестираат вакцини за други категории пациенти и работат на развој на нови верзии на вакцини, кои имаат подолг рок на траење и не бараат ултраскладирање.
За разлика, на пример, од „Модерна“, вакцината на „Фајзер“ не е клучна за деловната активност на оваа компанија. Минатата година „Фајзер“ оствари профит од 9,6 милијарди долари пред вакцината против коронавирусот да има некакво влијание врз нејзините резултати, пишува „Њујорк тајмс“.
Од „Фајзер“ велат дека, дури и без продажба на вакцини, компанијата е на пат да ја постигне својата цел да ги зголеми приходите за најмалку 6 проценти секоја година до 2025 година. Компанијата соопшти дека оваа година може да произведе две милијарди дози вакцини вклучувајќи 200 милиони дози ветени на САД до крајот на мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео+Фото) Град со големина на лешник уништи фасади од куќи, поплавени улици и домаќинства: големо невреме во делови од Војводина
Страшно невреме денеска попладне зафати делови од Војводина, но најголеми последици почувствуваа жителите на Бачка Паланка.
На видеата и фотографиите кои се шират на социјалните мрежи, град со големина на лешник падна врз домаќинствата и ги покри нивните дворови.
На улиците се појавија големи порои, а некои згради беа поплавени.
Се појави и видео од поплавената гимназија Бачка Паланка.
Како што претходно беше најавено, силната бура забележана на североистокот на Босна се пресели во Војводина и се движи понатаму кон Романија.
Според жителите на Бачка Паланка, некои домаќинства останале без струја.
Републичкиот хидрометеоролошки завод претходно издаде предупредување за невремето.
Свет
Најмалку 22 лица се повредени од удар на гром во Чешка: се криеле под дрво
Бројот на лица хоспитализирани откако гром удри во дрво во северниот чешки град Либерец се зголеми од првичните осумнаесет на дваесет и два.
Повеќето повредени се во болницата во Либерец, медицинскиот персонал ќе ги пушти во понеделник. Нивната состојба е стабилизирана. Сите се надвор од животна опасност, пренесува чешки „ЦТ24“.
Деца во паркот на замокот во Вратиславице се повредени откако гром ги удрил во неделата околу 15 часот и 30 минути.
„Првите повредени лица почнаа да пристигнуваат за триесет до четириесет минути. За среќа, повеќето од овие пациенти имале само краткотрајни нарушувања на свеста или некое мало нарушување на подвижноста на екстремитетите. Немаше поголеми нарушувања на срцевиот ритам“, рече Мартин Кривохлавек, заменик-шеф на трауматолошки-ортопедскиот центар и шеф на трауматологија во Либерец.
Спасувачите во неделата соопштија дека осумнаесет лица се повредени, од кои некои биле реанимирани на лице место. Според нив, седум лица се здобиле со тешки телесни повреди, пет средни и шест лесни повреди.
Свет
Пукање во Минхен: напаѓачот во бегство, полицијата ги блокираше улиците
Денеска имало пукање во квартот Милбертхофен во Минхен.
Според локалните медиуми, напаѓачот избегал.
Според информациите на „Билд“, најмалку едно лице е тешко повредено a било пронајдено на улица.
Мотивот за пукањето засега не е познат.
Полицијата го блокираше северниот дел на градот.