Свет
Америка бара укинување на патентите на вакцината против корона, Франција се противи
САД се залагаат за укинување на заштитата на интелектуалната сопственост за вакцината против Ковид-19 за да се забрзаат производството и дистрибуцијата на скапоцениот серум во светот, соопшти денеска администрацијата на Бајден.
„Ова е глобална здравствена криза и вонредните околности на пандемијата на Ковида-19 бараат вонредни мерки“, рече американската претставничка за трговија Кетрин Таи во изјавата.
„Администрацијата цврсто верува во заштитата на интелектуалната сопственост, но за да се запре оваа пандемија треба да се укине заштитата на вакцините против Ковид-19“, додаде таа, додавајќи дека Вашингтон е активно вклучен во преговорите со СЗО за укинување на патентите.
Индија и Јужна Африка бараат привремено одземање на патентите за вакцини за да се забрза производството, но некои земји, како што е Франција, се противат на тоа.
Моќните фармацевтски лаборатории претежно се спротивставуваат на одземањето на нивните патенти, истакнувајќи дека тоа ги обесхрабрува скапите истражувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.