Спорт
Лауреус наградите за Надал, Осака и Баерн Минхен
Рафаел Надал по вторпат ја освои наградата за најдобар спортист, откако Лауреус академијата го призна неговото остварување, додека јапонската светска тенисерка број 1, Наоми Осака ја доби наградата за најдобра спортистка.
Надал исто така ја доби наградата во 2011 година, додека беше номиниран и во 2009, 2014, 2018 и 2020 година. Оваа година тој ги победи Џошуа Чептегеи, Арманд Дуплантис, Луис Хамилтон, Леброн Џејмс и Роберт Левандовски.
„Благодарам од дното на срцето, а имав и фантастична конкуренција. Останатите спортисти најверојатно ја заслужуваат наградата исто како мене, но ова беше моја година. Освојувањето на Ролан Гарос и израмнувањето на 20-тиот гренд слем на Роџер Федерер беше незаборавен момент за мене. Израмнет сум со мојот голем ривал и мојот голем пријател“, вели Надал.
Шпанецот доби честитка директно од Лео Меси, додека наградата на Осака и ја честиташе осумкратниот добитник на оваа награда. 23-годишната Јапонка ја освои својата втора титула од САД опен минатата година, а исто така се врати и на првото место на АТП листата.
За најдобар клуб во 2020 година, очекувано беше прогласен европскиот шампион Баерн Минхен.
Награда за животно достигнување доби уште една тениска легенда, Били Џин Кинг, додека седумкратниот Ф1 шампион, Луис Хамилтон доби награда за „адвокат на спортистите“ поради неговата вклученост во борбата против расизмот.
? “For me personally, of course achieving the 13th @rolandgarros, and equalled the 20th Grand Slam of @rogerfederer has been an unforgettable moment for me.@RafaelNadal, Laureus 2021 World Sportsman of the Year ? #Laureus21 pic.twitter.com/YwhCQm6Wz1
— Laureus (@LaureusSport) May 6, 2021
?”You are such a great role model for all the athletes and you show the woman athletes around the world what hard work and dedication can do”
? Eight time @Olympics gold medalist @usainbolt congratulates Laureus 2021 World Sportswoman of the Year, @naomiosaka pic.twitter.com/56pSbubggI
— Laureus (@LaureusSport) May 6, 2021
? “Sport, especially tennis has given me a wonderful opportunity to live my dream. Sport also gave many of us a platform to improve our world.”
Laureus Lifetime Achievement Award recipient, @BillieJeanKing ? pic.twitter.com/4HSwmblbXs
— Laureus (@LaureusSport) May 6, 2021
? “We are very proud the legends of the Laureus Academy have chosen us. We have enjoyed the most successful year in our club’s history.”
Karl-Heinz Rummenigge, Chairman of Executive Board of @fcbayern, 2021 Laureus World Team of the Year Award winners ??#Laureus21 pic.twitter.com/HkiQphMg65
— Laureus (@LaureusSport) May 6, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.