Спорт
Челси ја одложија промоцијата на Манчестер сити – Алонсо им пресуди на „граѓаните“
Манчестер сити ќе почекаат барем уште едно коло за да ја прослават шампионската титула во Премиер лигата. „Граѓаните“, во дербито на 35.коло, загубија од Челси со 1:2 (1:0). Овој дуел беше генерална проба пред соочувањето на двата тима во финалето на Лигата на шампиони.
Двата тима во дербито влегоа по тешките полу-финални мечеви во Лигата на шампионите. Поради тоа менаџерите Пеп Гвардиола и Томас Тухел започнаа со комбинирани состави.
Во првото полувреме немаше возбудувања се до самиот финиш. Во 44.минута грешката на Кристенсен иницираше акција на Сити, која со гол ја заврши Стерлинг. Во наредниот напад, Сити добија пенал и можност да го решат натпреварот.
Топката ја зеде најдобриот стрелец во историјата на Сити, Серхио Агуеро, се обиде со Паненка, но се посрамоти за сите пари. Менди лесно ја фати топката.
Во второто полувреме, Челси успеаја да направат пресврт. По грешката на Родри и асистенцијата на Аспликуета, Зијеш израмни во 63.минута.
Сити, во 87.минута бараа пенал по старто на Зума врз Стерлинг, меѓтуао судијата Тејлор само одмавна со раката.
На истекот на натпреварот, во 92.минута, Вернер нафрли, а Маркос Алонсо го совлада Едерсон за конечни 1:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.