Спорт
Јокиќ ги загуби нервите и натпреварот, Стеф Кари уфрли 49 поени за 29 минути!
НБА саботата беше одбележана со некои тесни дуели во борба за плејофот и некои фантастични индивидуални остварувања.
Денвер нагетс во интригантната битка со Бруклин нетс, загубија со 125:119 и покрај тоа што Денвер на домашен терен имаа 21 поени предност. Српскиот ас Никола Јокиќ имаше 29 поени, 7 скока и 6 асистентенции, Мајкл Портер уфрли 28, а Факундо Кампацо 19, но од другата страна Кевин Дурент одговори со 33 поени, 11 скока и 7 асистенции, а Кајри Ирвинг имаше 31 поен.
Јокиќ, пак, ги загуби нервите во финишот на мечот, кога по едно потфрлување при 112:119 предност на Бруклин, дојде до топката, но шутираше непрецизно. Тој сметаше дека треба да добие фаул, по што доби и техничка грешка.
Во Сан Франциско пак, Стеф Кари повторно покажа зошт ое еден од најдобрите, постигнувајќи 49 поени за 29 минути при 136:97 победата над Оклахома Сити тандер. Кари, кој има неверојатен просек од 31.9 поени по натпревар, доби мотивација пред мечот, кога Бредли Бил од Вашингтон уфрли 50 поени при 133:132 победата во продолженија над Индијана пејсерс.
„Секако дека следев што прави Бил. Кога некој ќе постигне 50 поени, ќе слушнеш за него“, вели Кари.
Тој имаше 14-од-26 од поле, вклучувајќи 11-од-21 за тројки, за седми пат оваа сезона да има барем 10 тројки.
НБА РЕЗУЛТАТИ
Индијана – Вашингтон 132:133
Филаделфија – Детроит 118:104
Торонто – Мемфис 99:109
Портланд – Сан Антонио 124:102
Јута – Хјустон 124:116
Денвер – Бруклин 119:125
Голден Стејт – Оклахома 136:97
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.