Израел во четвртокот навечер објави дека продолжува со офанзивата во палестинската енклава Појасот Газа тврдејќи дека од постигнувањето на клучната цел уништувањето на тунелите на исламистичкото движење Хамас, а САД продолжуваат да го снабдуваат со муниција иако претходно го осудија израелскиот напад врз училиште на ОН во Газа, американскиот државен секретар Џон Кери се надева на прекин на огнот а светската организација го обвини Израел дека свесно го крши меѓународното право.

Бројот на жртвите на во Појасот Газа се зголеми во четвртокот навечер на 1.395 мртви и повеќе од 8.100 ранети. Според податоците на УНИЦЕФ, меѓу загинатите има 245 деца.Израелскиот премиер Бенјамин Нетанјаху изјави во четвртокот дека Израел е одлучен, без оглед на напорите за постигнување мир, да го заврши уништувањето на подземните тунели коишто палестинското исламистичко движење Хамас ги користи за доставување оружја во Појасот Газа, како и за уфрлување на свои борци зад границата на неклвата со израелската територија.„Одлучни сме да ја довршиме таа мисија со примирје или без него. Нема да се согласам на ниеден предлог кој би ѝ оневозможувал на израелската армија да ја заврши оваа важна задача за безбедноста на Израел“, изјави Нетанјаху пред почетокот на седницата на неговата влада во Тел Авив. Командантот на израелските сили кои дејствуваат во Појасот Газа, генералот Сами Тургеман, претходно во средата изјави дека им се потребни уште „неколку дена за уништување на сите тунели“.Од друга страна, САД најголемите поддржувачи Израел потврдија дека продолжиле со снабдувањето на Израел со муниција, само неколку часа откако во средата навечер остро го осудија израелскиот напад на училиштето на Обединетите нации во Газа.Израелската армија побарала повторна испорака на 20-ти јули за да ги надополни намалените резерви, објави Пентагон. Американското министерство за одрана ја одобри продажбата три дена подоцна. „САД се обврза дека ќе ја гарантира безбедноста на Израел и клучно е за американските национални интереси да му се помага на Израел да ги развива и одржува капацитетите за самоодбрана посилни. Оваа продажба на оружје е во согласност со тие цели“, изјави Џон Кирби, портпарол на Пентагон во соопштение.Американскиот државен секретар Џон Кери, кој во четвртокот навечер престојуваше во посета на Индија, изјави дека сѐ уште се надева на прекин на огнот во Појасот Газам, но не сакаше да шпекулира кога до него би можело да дојде. „САД се надеваат дека до прекин на огнот, што поскоро тоа подобро“, изјави Кери кој својата посета на Њу Делхи ја посвети на кризата на Блискиот исток. Додаде дека е во постојан контакт со сите главни протагонисти на Блискиот исток со цел да се стави крај на судирите меѓу Израел и Хамас. Претходно во четвртокот воската комесарка за човекови права на ОН, Нави Пилај изјави дека Израел свесно го крши меѓународното право во воената офанзива во Газа и затоа светските сили мораа Израел да го повија на одговорност поради моќни воени злосторства. Пилај го осуди и Хамас, поради ракетирањето на израелската територија, понекогаш врз густо населени области, како и САД како главен израелски сојузник кој не прави ништо за да го искористи своето влијание за сопирање крвопролевањето. Агенцијата на ОН з апомош на палестинските бегалци – (UNWRA) ја обвини израелската армија дека „сериозно го крши меѓународното право“ по израелското бомбардирање на училиште во Газа во средата. Близу 180 илјади жители на палестинската енклава живеат во многу неизвесни околности во 83 училишта со кои управува UNWRA. „Ова е шести пат нашите училишта да се нападнати во израелските воздушни напади, претрупани сме со десетици илјади бегалци кои очекуваат помош“, изјави портпаролот на агенцијата, Крис Ганес. Ганес во изјава за панарапската сателитска телевизија Al Jazeera изјави дека „на Палестинците, дури и на децата, на големо им се ускратени правата, на страшен начин“, но од силните емоции не можеше да ја продолжи реченицата, туку го прекри лицето со рацете и заплака. Интернет во четвртокот беше преплавен со снимки и коментари на неговата емотивна реакција, кога зборуваше за состојбата во училиштата на ОН. Израел вината за смртта на цивилите ја префрла врз Хамас, кои како што тврди, со цивилите се служи како со „жив штит“. UNWRA, инаку, претходно во едно од своите соопштенија го осуди користењето на училиштата на ОН за криење оружје и муниција, но тврди дека тоа не е случај кога станува збор за училиштето во Џабалија.Главниот секретар Бан Ки-мун силно во средата го осуди нападот врз училиштето, изјавувајќи дека тоа е ужасно и неправедно и дека бара „одговорност и правда“./крај/мф/сн

Извор: Макфакс