Спорт
Клоп и Ливерпул конечно го освоија „Олд Трафорд“, но ниту тоа може да не е доволно за ЛШ
Јирген Клоп, првпат во кариерата по седум обиди, успеа да слави на „Олд Трафорд“, откако Ливерпул стигнаа до импресивна 4:2 победа над лутите ривали Манчестер јунајтед во меч кој беше првично одложен, но ниту овие три поени можеби нема да бидат доволни за пласман во Лигата на шампионите.
Мечот требаше да се оддржи минатата недела, но навивачите на Јунајтед, бесни на газдите влетаа на теренот на „Олд Трафорд“ и предизвикаа откажување. За малку ќе се случеше слична ситуација и денеска, кога се обидоа со автомобили да го блокираат автобусот на Ливерпул, но огромното обезбедување и полицијата успеаја да го сочуваат мирот.
„Ѓаволите“ почнаа одлично, кога во 10. минута, Бруно Фернандеш упати убав удар, а Нет Филипс ја смести топката во сопствената мрежа. Но, крајот на полувремето, целосно помина во знак на „црвените“ на Јиген Клоп – прво Диого Жота по катастрофалната реакција на одбраната на Јунајтед, израмни во 34. минута, за во финишот на полувремето, Роберто Фирмино по еден слободен удар да донесе водство за гостите.
Шокот беше уште поголем, кога во 57. минута, Фирмино со вториот гол зголеми на 1:3 по лошата реакција на голманот Дин Хендерсон. Меѓутоа, „ѓаволите“ не се откажаа до крајот и во 68. минута, Маркус Рашфорд го постигна петтиот гол против Ливерпул во пет меча, за да намали на 2:3 и да придонесе домаќините да тргнат по израмнување, до кое на крајот не стигнаа, туку Мо Салах ги казни во 90. минута за конечни 2:4.
Ова е втор домашен пораз во низа за „ѓаволите“ во третиот меч во само шест дена, откако во саботата загубија со 1:2 од Лестер, додека за Ливерпул победата може да значи многу, бидејќи сега се на -4 поени од четвртопласираниот Челси, а имаат и натпревар помалку во однос на „сините“ (Ливерпул има уште три меча до крајот на сезоната, а Челси уште два).
Графика: Sofascore за Топспорт.мк
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-29415”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спортинг ја освои титулата во Португалија
Фудбалерите на Спортинг од Лисабон вторпат во последните три години ја освоија титулата во Португалија.
Екипата од Лисабон на две кола пред крајот на првенството има недостижни осум бода повеќе од Бенфика која во неделата вечерта беше поразена на гостувањето кај Фамаликао со 2:0.
Спортинг го одработи својот дел во саботата со победата од 3:0 против Портимоненсе, а Фамаликао потоа направи преостанатите две кола да бидат формалност во борбата за титулата.
Клубот од Лисабон го освои 20. шампионски пехар и се наоѓа на третото место на вечната листа зад Бенфика (38) и Порто (30).
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.