Црна хроника
Апелација ги намали казните за осудените за кражбата во Музеј на Македонија
Апелациониот суд ги намали казните за седуммината осудени за кражбата на артефакти во Музеј на Македонија и ја укина првостепената пресуда во делот во кој три лица беа осудени за кривичното дело Отуѓување на културно наследство од особена значење во државна сопственост од и во тој дел предметот се враќа на повторно судење.
Програмскиот директор на Археолошкиот музеј при НУ Музеј на Македонија и кустос, Златко Видески кој беше осуден на шест години и осум месеци затворска казна, со пресудата на Апелација се осудува на казна затвор во траење од две години и шест месеци.Затворската казна во траење од три години за ракувачот на депото во Музејот, Софка Кушовска-Сафитли , Апелациониот суд ја намали на две години и шест месеци.Казната затвор за поранешниот директор на Музејот на Македонија, Перо Јосифовски, кој беше осуден на казна затвор во траење од осум години и осум месеци е намалена на две години и три месеци. Казната затвор за златарот Часлав Кузмановиќ, кој беше осуден на затворска казна во траење од седум години и осум месеци е намалена на две години и шест месеци. На останатите тројца осудени им се намалува казната на девет месеци, а на сите им се засметува времето поминато во притвор.Во ноември 2013 година Министерството за внатрешни работи обелодени дека од Музејот на Македонија се украдени 162 артефакти.Дел од обвинетите беа осудени за несовесно работење и постапување со депоата на Музејот на Македонија, а друг дел од обвинетите како членови на Комисијата за откуп на музејски материјал при НУ Музеј на Македонија, се товарат за противзаконски откуп на монети. Сторителите на кражбата сѐ уште не се најдени./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со возилото удрил во заштитна ограда а возел со 1,98 промили алкохол во крвта: уапсен кичевец
Вчера во 18:25 часот на магистралниот пат Охрид-Кичево, кај месноста „Копачка“, полициски службеници од ОВР Кичево го лишија од слобода О.М.(63) од Кичево.
Претходно, тој со патничко возило „пежо“ со кичевски регистарски ознаки, кое го управувал, излетал од патот и удрил во заштитна ограда, а при преземање мерки во врска со незгодата е констатирано дека е под дејство на алкохол, односно измерени му се 1,98 промили алкохол во крвта.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“, информира МВР.
Црна хроника
Кривична против поранешниот градоначалник на Демир Капија и за ексдиректорот на „Бошава“: ќе одговараат за загадување на животната средина и природата
ОВР Неготино, до Основното јавно обвинителство Кавадарци, поднесе кривична пријава против Л.П.(42) од Демир Капија, П.Ј.(50) од Неготино, против општина Демир Капија и јавно претпријатие за комунални работи „Бошава“ од Демир Капија поради постоење основи за сомнение дека сториле кривично дело „загадување на животната средина и природата“ по член 218 од Кривичниот законик.
Во периодот од јуни до октомври 2025 година, Л.П. во својство на поранешен градоначалник на општина Демир Капија и П.Ј., во својство на поранешен директор на јавното претпријатие за комунални работи „Бошава“, овозможиле инсталирање на несоодветна електрична и водоводна мрежа на претходно избушен бунар за вода за пиење во село Прждево, демиркаписко, без да поседуваат документација за техничка исправност на бунарот. Во наведениот период во повеќе наврати овозможиле дотур на водата до резервоарот за вода за пиење и со тоа ги занемариле законските обврски и дозволиле бунарот да биде слободно достапен на жителите на село Прждево, со што придонеле за настанување на состојба на контаминација на водата за пиење, која била закана по здравјето на околу 120 жители на селото.
Црна хроника
Тепачка на паркинг-простор во скопски Аеродром
Денеска околу 02:25 часот во СВР Скопје, Ј.Ј.(42) од Пробиштип пријави дека на паркинг простор на подрачјето на општина Аеродром во Скопје, по претходна расправија, бил физички нападнат од О.А.(37) од Скопје.
По целосно документирање на случајот, ќе следува соодветен поднесок, соопшти полицијата.

