Спорт
Адеми со гол, Динамо со двојна хрватска круна по 6:3 победата над Истра
Аријан Адеми е во одлична форма пред стартот на Европското првенство, откако со еден гол помогна Динамо Загреб со неверојатни 6:3 да го совлада тимот на Истра во финалето на Купот на Хрватска за да ја потврди двојната титула.
„Модрите“ имаа фуриозен старт – Мислав Оршиќ ги донесе во водство во третата минута, а Адеми во деветтата зголеми на 2:0, за до крајот на полувремето, Ловро Мајер да зголеми на 3:0 на дождот во Велика Горица.
Меѓутоа, Истра не се предаде – Јапонецот Таичи Хара постигна два гола за една минута (52. и 53. минута) за 2:2, пред Динамо да ја врати предноста со автоголот на Шутало во 59. минута. Истра пак даде гол, овојпат од пенал во 64. минута, но Оршиќ во 74. и Гаврановиќ во 84. минута потврдија уште една доминантна сезона на Динамо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ урна рекорд стар 60 години
Со синоќешниот настап во полуфиналето против Баерн во Минхен, Лука Модриќ влезе во историјата на Реал.
Модриќ против Баерн урна рекорд стар 60 години. Со 38 години и 234 дена, тој стана најстариот играч што одиграл натпревар во дресот на Реал, во Лигата на шампионите или Купот на шампионите.
Досега рекордот го држеше легендарниот Ференц Пушкаш, кој настапи за „Кралскиот клуб“ во ноември 1965 година, исто така во ремито 2:2 на гостувањето кај Килмарнок, со 38 години и 229 дена.
Хрватскиот играч за врска против Баерн го забележа својот 126. настап во Лигата на шампионите и се наоѓа на 16. место на вечната листа. Во историјата на Реал повеќе натпревари од него во Лигата на шампионите одиграле Серхио Рамос (129), Раул (130), Карим Бензема (133) и Икер Касиљас (150).
Модриќ, синоќа го забележа 17. настап во полуфиналето на Лигата на шампионите. Во историјата на Лигата на шампионите повеќе настапи од него во оваа фаза од натпреварувањето имаат само Бензема (18), Тони Крос (19) и Кристијано Роналдо (21).
Спорт
30 години од смртта на Аиртон Сена
На денешен ден пред 30 години животот го загуби легендарниот Аиртон Сена на трката за Големата награда на Сан Марино во Формула 1. Сена, еден од најдобрите возачи во историјата на Формула 1, ако не и најдобар, почина на 34. годишна возраст откако ја изгуби контролата над својот болид и со брзина од 305 км/ч удри во ѕидот на свиокот Тамбурело на патеката „Енцо и Дино Ферари“ во Имола.
Легендарниот Бразилец победи на 41 трка во кариерата, освои три шампионски титули и остана запаметен како крал на квалификациите и најдобар возач на дожд на сите времиња.
На погребот на Сена присуствуваа повеќе од милион луѓе, а многу повеќе излегоа на улиците да му оддадат почит на Бразилецот.
„Господ долго време ја држеше рака над Формула 1. Овој викенд ја тргна“, коментираше легендарниот Ники Лауда во моментот на смртта на Сена.
За време на квалификациите за истата трка, само еден ден претходно, почина младиот австриски возач Роланд Расцрбергер, што беше прва смрт во Ф1 по речиси 12 години.
Сена не ја прифати добро смртта на Австриецот, на која потсети лекарскиот делегат Сид Воткинс, кој му рекол на Бразилецот да не се натпреварува на Имола.
„Аиртон полуде. Пред тоа немаше видено смрт на патеките. Во претходните 12 години имаше многу инциденти, многу повреди, но никој не загина“, рекол Воткинс, откривајќи што му рекол Сена кога го молел да не се трка и да замината на риболов“.
„Има одредени работи кои не можеме да ги контролираме. Не смеам да се откажам, морам да продолжам“.
Сена ја започна трката во пол-позицијата, а трката започна со безбедносно возило откако Педро Лами удри во болидот на Џеј Џеј Лехто.
Веќе во вториот круг по рестартот на трката, Сена со својот Вилијамс во кривината Тамбурело удри во бетонскиот ѕид.
Бразилецот беше пренесен во болница, а трката продолжи 37 минути по судирот и победи Михаел Шумахер.
Два и пол часа подоцна беше објавено дека Сена починал.
Тоа беше само трета трка на Сена во Вилијамс откако го напушти Мекларен, и многу се пишуваше за тоа неделно попладне, но само едно е сигурно.
Смртта на Сена целосно ја промени Формула 1: беа воведени многу поригорозни безбедносни проверки и се промени историјата на овој спорт.
Спорт
(Видео) Јанакопулос на српски го пцуе судијата
Контроверзниот сопственик на Панатинаикос, Димитрис Јанакопулос, повторно се најде во центарот на вниманиетот поради своето некулторно однесување.
Панатинаикос, синоќа, во драматичен натпревар во Белград загуби од Макаби со 83:85. Макаби поведе во четвртфиналната серија со 2:1 и во четврток може да обезбеди пласман на завршниот турнир.
Виниовни за поразот според Јанакопулос се судиите. За една одлука клубот вложи жалба и бара натпреварот да биде поништен.
Во текот на натпреварот во салата „Александар Николиќ“ постојано им дофрлаше на судиите од првиот ред.
А по мечот го опцу, судијата Лука Кардума.
Покрај него, правдата ја делеа и Сретен Радовиќ и Емин Могулкоч.
— OvoOno (@OvoOnoX) April 30, 2024