Спорт
Леброн ги внесе Лејкерси во плеј-офот, Валанчунас блескаше против Сан Антонио
Лос Анџелес Лејкерс се пласираа во плеј-офот од седмата позиција во Западната конференција, додека за осмото место ќе се борат Голден стејт Вориорс и Мемфис Гризлис.
Лејкерси, во борбата за седмото место забележаа победа 103:100 над Голден стејт Вориорс. Од друга страна дулеот на деветтиот Мемфис и десеттиот Сан Антонио им припадна на Гризлис со 100:96.
Леброн Џејмс, со тројка од девет метри, преку Стеф Кари, на 59 секунди до крајот го реши дуелот Лејкерс-Вориорс.
Вориорс на шест минути до крајот на третиот период имаа предност од 12 поени, која Лејкерси ја анулираа со серијата од 7:17.
Леброн натпреварот го заврши со трипл-дабл од 22 поени, 11 скокови и 10 асистенции. Покрај Џејмс, клучен ихрач во победата на лејкерс беше Ентони Дејвис, кој во последниот период постигна 13 од своите 25 поени.
Леброн и Дејвис ја поништија одличната партија на Стеф Кари кој ги предводеше Вориорс со 37 поени.
Вориорс ќе имаат уште една шанса да изборат место во плеј-офот. Противник ќе им бидат Мемфис Гризлис. Јонас Валанчунас и Дилон Брукс ги предводеа Гризлис до победата над Сан Антонио 100:96.
Литванецот одигра брилијантен натпревар (23 поени и 23 скока), Брукс постигна 24 поени, а Џа Морант 20 поени.
Кај Сан Антонио по 20 поени реализираа Демар Дерозан и Руди Геј. а трипл-дабл од 10 поени, 13 скокови и 11 асистенции забележа Дехунте Мареј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.