Свет
Најнова студија: Кучињата брзо и сигурно го откриваат Ковид-19
Кучињата можат да бидат обучени за откривање на повеќе од 90 проценти од заразата со Ковид-19, тие можат да откријат дури и кога пациентите се асимптоматски, се вели во најновата студија објавена на оваа тема а нејзините автори се надеваат дека тоа може да ја замени потребата од карантин на патници кои влегуваат во други земји.
Користејќи го своето извонредно чувство за мирис, кучињата претходно докажаа дека можат да мирисаат и да реагираат на болести како што се рак, маларија или епилепсија.
Неколку претходни студии покажаа дека тие исто така успеваат да ги детектираат заразените со вирусот САРС-Ков-2.
Научниците од Лондонската школа за инфективни болести и тропска медицина се обиделе да утврдат дали кучињата можат да детектираат препознатлив мирис на хемиски соединенија поврзани со луѓе позитивни на коронавирус кои не покажуваат никакви симптоми на болеста.
Тие собрале облека и заштитни маски од луѓе кои биле позитивни на лесен или асимптоматски САРС-Кoв-2.
Меѓу облеката имало и чорапи на 200 лица заразени со коронавирус, кои биле поделени на шест претходно обучени кучиња за да предупредат на присуството или отсуството на потребното хемиско соединение.
„Ова значи дека обученото куче целосно ја разбира задачата и добива награда за препознавање на точниот негативен резултат од тестот, но исто така и точниот позитивен резултат“, објасни Клер Гост од Факултетот за инфективни и тропски болести.
Се покажа дека кучињата во студијата успеваат да идентификуваат меѓу 82 до 94 проценти од примероците на САРС-Ков-2 за само една секунда.
Истражувачите потоа ја проучувале ефективноста на овие резултати во откривање на благи или асимптоматски случаи на Ковид-19, споредувајќи ги со традиционалните ПЦР тестови.
Докажано е дека со помош на специјално обучени кучиња кои се користат, на пример, за преглед на луѓе на терминалите во аеродромот, може да се открие 91 процент од случаите заразени со коронавирус.
Авторите на студијата, која допрва треба да помине научен преглед, велат дека се надеваат дека таквата мерка на крајот би можела да се искористи за да се замени потребата од карантин на патници, кој преставува проблем при патувањето бидејќи огромното мнозинство патници не се позитивни на Ковид-19.
„Тоа е навистина добар почеток и може да резултира во многу корисен и употреблив систем“, рече Мик Бејли, професор по компаративна имунологија на Универзитетот во Бристол, кој не беше вклучен во истражувањето.
Тој, сепак, предупреди дека „треба да се направат многу повеќе проверки пред да можеме со сигурност да кажеме дека кучињата се во можност да детектираат асимптоматски инфекции со САРС-Ков-2 кај патниците на аеродромите и железничките станици со голема сигурност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Цената на златото повторно достигна нов рекорд
Цената на златото денес надмина 4.400 долари за унца првпат во историјата, поттикната од растечките очекувања за намалување на каматната стапка во САД и силната побарувачка за безбедно засолниште. Среброто, исто така, се придружи на растот, кое, исто така, достигна рекордна вредност.
Според податоците од 05:02 часот GMT, цената на златото порасна за 1,4 проценти на 4.397,16 долари за унца, откако претходно достигна рекордни 4.400,29 долари во текот на денот. Среброто во исто време скокна за 3,3 проценти на историски максимум од 69,44 долари.
Скапоцениот метал скокна за 67 проценти од почетокот на годината, кршејќи повеќекратни рекорди и надминувајќи ги нивоата од 3.000 и 4.000 долари за прв пат. Златото е на добар пат за најголем годишен раст од 1979 година.
Среброто, од друга страна, скокна за неверојатни 138 проценти од почетокот на годината, далеку над златото благодарение на силните инвестициски приливи и малата понуда на пазарот. Растот на цените на традиционалното безбедно засолниште е поткрепен од зголемените геополитички и трговски тензии, континуираното купување од страна на централните банки и очекувањата за пониски каматни стапки следната година.
Послабиот долар, исто така, дава дополнителен импулс, правејќи го златото поевтино за купувачите со други валути.
Свет
(Видео) Дупка проголта бродови: Вонредна состојба во британска област
Во британската област Шропшир е прогласена вонредна состојба откако во канал кај градот Вичрч се отворила голема дупка, која полицијата ја опиша како понор. Во инцидентот два брода пропаднале во отворот, додека уште два останале опасно да висат на самиот раб, јави Би-Би-Си.
Фотографиите од местото на настанот покажуваат целосно уривање на дел од пловниот пат, при што водата од каналот речиси целосно истекла. Според информациите, два теснокоритни брода потонале, а уште два останале заглавени на работ од пројавата.
A 50m sinkhole has opened beneath the Whitchurch canal in Shropshire, swallowing narrowboats and forcing more than 10 people to be rescued.
A major incident is declared as crews battle unstable ground and rushing water. #Whitchurch #Shropshire pic.twitter.com/02PIZzlen2
— BPI News (@BPINewsOrg) December 22, 2025
Полиција соопшти дека засега нема информации за повредени лица и ги повика граѓаните да го избегнуваат подрачјето и да користат алтернативни правци.
A 50m sinkhole has opened beneath the Whitchurch canal in Shropshire, swallowing narrowboats and forcing more than 10 people to be rescued.
A major incident is declared as crews battle unstable ground and rushing water. #Whitchurch #Shropshire pic.twitter.com/02PIZzlen2
— BPI News (@BPINewsOrg) December 22, 2025
Локалниот советник во Вичрч, Енди Хол, за Би-Би-Си изјави дека инцидентот се случил околу 5 часот наутро и дека огромна количина вода истекла на блиското поле. Според неговите зборови, дел од жителите помислиле дека станува збор за земјотрес, додека пожарникарите поставиле брана за да се спречи дополнително истекување и потенцијални поплави.
Фото: илустрација, Pexels
Свет
Американски конгресмени се закануваат со тужба поради необјавените досиеја за Епстин
Двајца американски конгресмени се заканија со правни чекори против државната обвинителка Пем Бонди кога Министерството за правда само делумно ги објави документите поврзани со покојниот осуден сексуален престапник Џефри Епстин иако законскиот рок истече минатиот петок, пренесе Би-би-си.
Законот за целосна објава на таканаречените Епстинови досиеја беше потпишан во ноември од американскиот претседател Доналд Трамп по притисок од неговите поддржувачи и дел од Републиканската партија. Иако некои од документите беа објавени, многу информации останаа редактирани или нејавно достапни, што предизвика незадоволство кај дел од конгресмените и кај жртвите.
Републиканскиот конгресмен Томас Меси најави можност за поведување постапка за непочитување на Конгресот против Бонди тврдејќи дека Министерството ги крши духот и словото на законот. Тој изјави дека на иницијативата работи заедно со демократскиот конгресмен Рум Хана, кој појасни дека се гради двопартиска поддршка за финансиско казнување на обвинителката за секој ден доцнење.
Од Министерството за правда тврдат дека постапуваат во согласност со законот и дека објавата ќе продолжи во наредните недели. Заменикот на Бонди, Тод Бланш, изјави дека станува збор за повеќе од милион страници документи, од кои голем дел содржат чувствителни информации за жртвите.
Демократскиот сенатор Тим Кејн оцени дека евентуална постапка за непочитување на Конгресот или импичмент би била прерана и дека постојат други законски механизми за притисок.

