Спорт
Платини: Чеферин лошо ја менаџираше кризата, испадна смешен
Поранешниот претседател на УЕФА, Мишел Платини, жестокот ја критикувал работата на актиелниот претседател на оваа организација, Александар Чеферин. Платни, во својата изјава, рекол дека Чеферин е „смешен“.
„Тој е еден од оние политичари кои никогаш не играче фудбал и кои живеат во својата слава“, рекол Платини сметајќи дека Чеферин на погрешен начин ја решил кризата која ја предизвика проектот европска Суперлига.
„Тоа што најдобрите европски клубови сакаат да имаат свое натпреварување се повторува и е ризик со кој УЕФА мора да се носи. Сепак, тој погрешно ја менаџираше кризата. Подобро е да ја спречите таа работа да се реализира отколку директорите и претседателите на тие клубови да ги наречете змии и предавници. Тоа е смешно. И јас се соочив со тој проблем на почетокот на мандатот. Се сретнав со претседателите на клубовите и ги убедив дека нашето натпреварување е подобро. Разговаравме за работите кои се добри за фудбалот, а не само за работата и телевизиските права“.
Поради корупциски скандал во кој беше вмешан, УЕФА во 2015 година, на Платни му забрани да да работи во фудбалот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.