Спорт
Иванишевиќ: Тренирав со Ѓоковиќ првпат кога имаше 13 години, ми даде чоколадо
Хрватскиот тениски ас, Горан Иванишевиќ, кој сега е дел од тренерскиот тим на светскиот број 1 Новак Ѓоковиќ, се потсети на својот прв тренинг со Србинот, кој се случил кога Ѓоковиќ имал 13 години пред победата на Иванишевиќ на Вимблдон во 2001 година.
„Игравме еден час, а потоа ми даде малку чоколадо бидејќи мислеше дека ја загубив енергијата. И тогаш беше посебен. Имаше нешто што не се учи, што не се купува, тоа го имате или не. И не беше многу импресиониран што игра со мене, мислам дека уште тогаш сметаше дека може да ме победи“, открива Иванишевиќ.
Хрватот исто така признава дека кога си дел од тимот на Ѓоковиќ на гренд слем турнирите, постојано си под стрес.
„Морате да бидете брзи, да го следите и бргу да размислувате. Секогаш морате да му имате подготвено одговор. Сака да учи, а понекогаш мора ди чекор пред него, бидејќи ќе ве прегази. Искрено, не е лесно. За мене тоа е голем предизвик и чест, но понекогаш си под стрес 24 часа дневно. Не е здраво, но кога ги гледате резултатите и историските остварувања, ви дава сила да одите напред“, додава Хрватот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Калинић неће више играти за Србију
Кошаркарот на Барселона, Никола Калиниќ, по победата на Барселона над Олимпијакос (82:80), во Атина, за Спортал изјави дека повеќе нема да играза репрезентацијата на Србија.
„Мислам дека завршив. Не сум таму ни со главата ни со телото, мислам дека не можам повеќе да се борам со тоа како што е потребно. Време е некои од помладите момци да играат и да се докажат. Особено по тој успех минатата сезона. Мислам дека овде се е јасно“, изјави Калиниќ.
Калиниќ за Србија дебитираше во 2013 година, со репрезентацијата освои сребрени медали на Олимписките игри и на Светското првенство.
Спорт
Штербик имал срцев удар
Еден од најдобрите ракометни голамни во историјата, поранешниот член на Вардар, Арпад Штребик доживеал срцев удар.
Веспрем ги потврди пишувањата на медиумите, но и ја информираше јавноста дека Штербик се чувствува добро и дека најверојатно ќе биде пуштен од болница во четврток наутро. Брзата реакција на лекарите спречила трагичен исход.
Штербик кариерата ја започна во Југовиќ од Каќ, по што двапати беше во Веспрем, додека во меѓувреме бранеше за Сиудад Реал, Атлетико Мадрид, Барселона и Вардар. Во Вардар беше од 2014 до 2018 година и стана европски првак.
Кариерата ја заврши во Веспрем во 2020 година.
Спорт
Финалето во ЛЕ во 2028 во Белград – Србија со Албанија сака да биде домаќин на ЕП за играчи до 21 година
Во Белград, денска звечено беше означен почетокот на изградбата на Националниот стадион. Претседателот на Србија, Александар Вучиќ, објави дека овој стадион, за четири годони ќе биде домаќин на финалниот натпревар во Лигата Европа.
„Финалето на Лига Европа ќе се игра во 2028 година на Националниот стадион, еве ви информација“, изјави Вучиќ.
Тој најави дека стадионот ќе биде готов за две години.
Националниот фудбалски стадион ќе има околу 52.000 седишта и ќе биде изграден според сите стандарди на УЕФА. Стадионот ќе биде изграден според архитектонскиот проект на Марк Фенвик.
Вучиќ истакна дека Србија со изградбата на Националниот стадион би можела да аплицира со Унгарија за организација на Олимписките игри.
„Ќе продолжиме да ја развиваме инфраструктурата, а планираме во иднина ние и Унгарија да аплицираме за Олимписките игри. Исто така со Албанија можеме да се кандидираме за организација на Европското првенство за фудбалери до 21 година, отворањето кај нив, затворањето кај нас“, рече Вучиќ.