Црна хроника
Налепниците се лепеле на задното стакло, а не на регистрациите
Налепниците со ФИРОМ што грчките гранични власти ги лепат на новите регистерските таблици на македонските возила со ознака МК при влез во Грција се во согласност на Времената спогодба, тврди Канцеларијата за врски на Република Грција во Скопје.
“Влегувањето на горе споменатите возила на територијата на Грција е регулиран со Посебните мерки поврзани со Времената спогодба меѓу двете страни. Според овие мерки, по влезот на приватно возило со ’МК’ знак на територијата на Грција, грчките власти ќе постават, на слободен простор на задното ветробранско стакло на овие возила, самолеплива налепница на која се наведува грчката резервираност кон овој код“ се вели во соопштението.
Канцеларијата за врски негира дека налепницата на која пишува ФИРОМ се лепи на регистерските таблички од автомобилите, како и тоа дека се планира да се наметне такса за лепење на налепницата.
“Граѓаните на Поранешната Југословенска Република Македонија се добредојдени во Грција“ стои на крајот на соопштението./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.